इंडीगो
 | |||||||
| |||||||
| स्थापना | 2006 | ||||||
|---|---|---|---|---|---|---|---|
| संचालन शुरू | 8 अप्रैल 2006 | ||||||
| संचालन बेस |
| ||||||
| बेड़ा आकार | 124 | ||||||
| जगह | 41 | ||||||
| मूल कंपनी | InterGlobe Enterprises | ||||||
| मुख्यालय | Gurgaon, Haryana, भारत[1] | ||||||
| प्रमुख लोग | Rakesh Gangwal, Founder Rahul Bhatia, Founder and MD | ||||||
| आगम |  ₹166 billion (US$2.3 बिलियन) (FY2016)[2] | ||||||
| नेट आय | ₹19.9 billion (US$280 मिलियन) (FY2016)[2] | ||||||
| वेबसाइट | www | ||||||
इंडीगो एगो भारतीय एयरलाइन कंपनी ह जेकर मुख्यालय भारत में गुडगांव में स्थित बा।[1] इ एगो कम लागत वाला यात्री सेवा ह तथा यात्री परिवहन की हिसाब से देखल जा त इ भारत क सबसे बड़ विमानन सेवा ह, जेकर बाजार साझेदारी अक्टूबर 2016 की आंकड़ा की अनुसार 42.6% बा। इंडिगो भारत में सबसे तेजी से विकसित होखे वाला सबसे कम लागत क यात्री सेवा ह। इ एयरलाइन 41 गंतव्य स्थान खातिर सेवा दिहले की साथ एशिया क दूसरा सबसे बड़ा कम लागत वाला विमान सेवा ह।[3]
इतिहास[संपादन करीं]
इंडिगो क शुरुआत 2006 की शुरुआत में इंटरग्लोब इंटरप्राइज की राहुल भाटिया तथा राकेश एस गंगवाल, जवन की यूनाइटेड स्टेट्स में रहे वाला अप्रवासी भारतीय हलो, की द्वारा कइल गइल रहे।[4] एकर 51.12% स्टेक इंटरग्लोब की पास बा तथा 47.88% गंगवाल क वर्जिनिया स्थित कंपनी कैलम इन्वेस्टमेंट्स की लगे बा।[5][6] मार्च, 2012 तिमाही की अंत में इंडिगो सबसे अधिका लाभ अर्जित करेवाला एक मात्र एयर लाइन और यात्री संख्या की मामला में देश क दूसरा एयरलाइन बन गइल रहे। 17, अगस्त 2012 के इ बाजार हिस्सा की मामला में जेट एयरवेज के पछाड़ के सबसे बड़ा एयरलाइन बन गइल।
संचालन[संपादन करीं]
इंडिगो दुनिया में सबसे तेजी से बढे वाली कम लागत वाली विमान सेवा में से एक और भारत में सबसे ज्यादा लाभ कमाए वाली विमान सेवा बन गइल।[7] इंडिगो की सफलता क श्रेय ओकरी अनोखा व्यापार मॉडल के जाला जवन की लागत कम क देला। इ एयरलाइन एक ही प्रकार क विमान (एयरबस ए 320) जवन की एक ही तरह क बैठे वाला व्यवस्था की साथ बा क संचालन करेले, एसे चालक दल क प्रशिक्षण और विमान क रखरखाव सरल हो जाला।[8] एयरलाइन एयरबस के कई नया विमानन क खरीद ऑर्डर एक साथ देके प्रति इकाई लागत में और कमी लेअवलस।[8] एयरलाइन विमान के अगला उड़ान खातिर केवल 20 मिनट की अन्दर तैयार कइले की लक्ष्य की साथ काम करेला ताकि इ सुनिश्चित हो सके की विमान कौनों दिन में कम से कम 12 घंटा क उड़ान भरे।[9] कर्मचारी, चेक-इन कर्मचारी की साथ साथ सामान हैंडलर की तौर पर दोहरा भुमिका निभावत लौक जा न स।
पांच साल की संचालन की बाद जनवरी 2011 में इंडिगो के विदेश में संचालन खातिर लाइसेंस मिल गइल। इंडिगो क पहिला अंतर्राष्ट्रीय विमानन सेवा क शुरुआत 1 सितम्बर 2011 के दुबई से दिल्ली खातिर भइल रहे। बाद की कुछ एक सप्ताह में इ अंतर्राष्ट्रीय सेवा बैंकाक, सिंगापुर, मस्कट एवं काठमांडू खातिर नयी दिल्ली एवं मुंबई से शुरू कराईल।
उपलब्ध सेवा[संपादन करीं]
कम लागत वाला सेवा होखले की चलते इंडिगो की कौनों विमान सेवा में बिज़नस क्लास एवं फर्स्ट क्लास क सुविधा नाहीं बा। एमें केवल इकोनोमी क्लास क सुविधा बा जेमें प्रति विमान 180 यात्री लोगन खातिर सीट होला। आपन किराया कम रखे खातिर इंडिगो कौनों प्रकार क निशुल्क भोजन क सुविधा उड़ान के दौरान प्रदान नहीं करेले हालाँकि एमें भुगतान कके उपलब्ध खईले-पियले क सामान खरीदले क सुविधा प्रदान कइल गइल बा।[10] विमान में मनोरंजन क सुविधा उपलब्ध नइखे और हेलो6E नांव क आंतरिक पत्रिका इंडिगो द्वारा प्रकाशित कइल जाला। इंडिगो कुछ ज्यादा किराया लेके प्रिमियम सेवा भी उपलब्ध करावेले।[11]
संदर्भ[संपादन करीं]
- ↑ 1.0 1.1 "Contact us, IndiGo". IndiGo. Retrieved 19 मार्च 2016.
- ↑ 2.0 2.1 "IndiGo profit soars 53% in fiscal 2016". दि हिंदू Business Line. Retrieved 4 November 2016.
- ↑ "IndiGo Airlines". cleartrip.com. Retrieved 28 दिसंबर 2016.
- ↑ "Owner of India's biggest airline files for IPO". CNBC. 30 जून 2015. Retrieved 16 मार्च 2016.
- ↑ Padnis, Anees (16 November 2013). "IndiGo gives handsome payback to promoters". Business Standard. Retrieved 19 मार्च 2016.
- ↑ "FIPB approves proposal to convert Rakesh Gangwal's IndiGo stake to NRI category". The Economic Times. 2 अक्टूबर 2014. Retrieved 16 मार्च 2016.
- ↑ "IndiGo among the fastest expanding airlines globally". Business Standard. 2 जनवरी 2013. Retrieved 11 जनवरी 2013.
- ↑ 8.0 8.1 Mishra, Mihir (21 फरवरी 2012). "A tale of two airlines: Kingfisher vs IndiGo". Business Standard. Retrieved 19 मार्च 2016.
- ↑ Mehta, Vivan (24 जून 2012). "Soaring above the rest". Business Today. Retrieved 19 मार्च 2016.
- ↑ "IndiGo FAQ's". IndiGo. Archived from the original on 16 March 2016. Retrieved 13 November 2013.
- ↑ "Coffee with 6E". Mint. 26 अक्टूबर 2015. Retrieved 19 मार्च 2016.