हिंदी वर्णमाला
हिंदी वर्णमाला हिंदी भाषा के लिखे खातिर इस्तेमाल होखे वाली वर्णमाला ह जे देवनागरी लिखाई के वर्ण (अच्छर) सभ से बनल हवे। मानक हिंदी वर्णमाला में 11 गो स्वर आ 35 (33+2) गो व्यंजन (कुल 46 अच्छर) बतावल गइल बाने। एह मानक अच्छर सभ के अलावा अउरियो चीन्हा निर्धारित बाड़ें जे हिंदी लिखे में कामे आवे लें।
वर्णमाला
[संपादन करीं]एहिजे केंद्रीय हिंदी निदेशालय दिल्ली द्वारा प्रकाशित देवनागरी लिपि तथा हिंदी वर्तनी का मानकीकरण (2019)[1] के हिसाब से हिंदी के मानक वर्णमाला दिहल जा रहल बाटे:
स्वर वर्ण
[संपादन करीं]हिंदी खातिर कुल 11 गो स्वर वर्ण निर्धारित कइल गइल बाड़ें:
- अ, आ, इ, ई, उ, ऊ, ऋ, ए, ऐ, ओ, औ
एकरे अलावा कहल गइल बा कि देवनागरी जे संस्कृत खातिर इस्तेमाल होखे ले, ओहिजे ॠ, ऌ, अउरी ॡ के भी स्वर में गिनल जाला; हालाँकि, हिंदी में इनहन के प्रयोग ना होखे के कारन इनहना के हिंदी के मानक वर्णमाला में अस्थान ना दिहल गइल बाटे।
व्यंजन वर्ण
[संपादन करीं]हिंदी खातिर कुल 35 (33+2) गो व्यंजन वर्ण स्वीकार कइल गइल बाड़ें। ई नीचे दिहल गइल बाड़ें:
- क, ख, ग, घ, ङ
- च, छ, ज, झ, ञ
- ट, ठ, ड, ढ, ण
- त, थ, द, ध, न
- प, फ, ब, भ, म
- य, र, ल, व
- श, ष, स, ह
- ड़, ढ़
अउरी अच्छर आ चीन्हा सभ
[संपादन करीं]- संयुक्ताक्षर
- में ऊपर दिहल गइल व्यंजन सभ के अलावा क्ष, त्र, ज्ञ, आ श्र सामिल बाड़ें।
- अनुस्वार
- भा अं के मात्रा (ं)
- अनुनासिक
- भा चंद्रबिंदी (ँ)
- विसर्ग
- (ः)
- हल् चिन्ह
- ्
इनहन के अलावा अउरी आगत वर्ण के रूप में रखल गइल बाड़ें:
संदर्भ
[संपादन करीं]- ↑ देवनागरी लिपि तथा हिंदी वर्तनी का मानकीकरण (2019) केंद्रीय हिंदी निदेशालय. भारत सरकार. दिल्ली. 3.14.1, प. 4-5.