कवितावली

कवितावली

कवितावली के रचयिता तुलसीदास के काल्पनिक चित्र जे रामचरित मानस के प्रति पर छपे ला।
लेखक	गोस्वामी तुलसीदास
देस	भारत
भाषा	ब्रजभाषा
बिसय	राम, बिबिध धार्मिक कबित्त
बिधा	धार्मिक कविता

कवितावली मध्यकाल के हिंदी कबी गोस्वामी तुलसीदास के रचना हवे। ई एक किसिम के संग्रह-काव्य चाहे मुक्तक काव्य या निर्बंध काव्य हवे जेह में मुख्य रूप से हिंदू देवता श्री राम के कथा चार किसिम के छंद सभ, सवैया कवित्त, छप्पय, आ झूलना छंद सभ में रचल गइल बा। हिंदी आ अवधी के कबी होखे के बावजूद तुलसीदास के ई रचना साहित्यिक ब्रजभाषा में हवे। शैली आ छंद-बिधान के देख के ई अनुमान लगावल जाला कि एकर रचना एक बेर में ना भइल बलुक समय-समय पर एह छंद सभके रचना तुलसीदास लगातार कइलें आ बाद में इनहन के संग्रह भइल। इहो अनुमान लगावल जाला कि ई तुलसीदास के सभसे परसिद्ध रचना रामचरितमानस के बाद के हवे आ कबी के प्रौढ़ अवस्था के रचना हवे।

कवितावली में, रामचरित मानसे के नियर सात गो खंड हवें। कयास लगावल जाला कि एह में छह गो के संकलन के रूपरेखा तुलसीदास के बनावल हवे आ सातवाँ खंड बाद में केहू दूसर तुलसी भक्त संकलित कइल हवे। कुछ छंद सभ के प्रमाणित रूप से तुलसी के नाहिंयो मानल जाला।

इहो देखल जाय

• रामचरितमानस

बाहरी कड़ी

• तुलसीदास, गोस्वामी (11 अप्रैल 2018). Kavitavali ( Hindi Edition ). CreateSpace Independent Publishing Platform. ISBN 978-1-9877-2242-0.