होमर

होमर
हेलेनिस्टिक काल के एगो आदर्शीकृत चित्रण। ब्रिटिश म्यूजियम।
Born	स्यूडो-हेरोडोटस के अनुसार मेलीसिजेनेस लगभग ईसा पूर्व 8वीं सदी, हेरोडोटस के अनुसार स्मिर्ना
Died	इओस
Cause of death	नामालुम बेमारी
Notable work	इलियड, ओडिसी, होमेरिक स्तुतिगान, महाकाव्य चक्र, अन्य होमेरिका
जुग	ज्यामितीय काल
इलाका	एजियन सागर के तट आ दीप
मुख्य इन्ट्रेस्ट	घूम-घूम के मौखिक काव्य के रचना आ प्रस्तुति, रैप्सोड लोग खातिर किओस में होमेरिदाई के एगो इस्कूल चलावल
Influences रैप्सोडिक मौखिक काव्य
Influenced क्लासिकल स्टडीज (पच्छिमी साहित्यिक परंपरा)

होमर (प्राचीन ग्रीक: Ὅμηρος [hómɛːros], Hómēros) के इलियाड आ ओडिसी के रचनिहार की रूप में जानल जाला। उनुका के प्राचीन यूनान में की सभसे महान महाकाव्य लेखकन में मानल जाला आ ऊ यूरोप की पहिला साहित्य के लेखक होखला की कारन बहुत महत्व वाला कवि बन जालें आ यूरोपीय लोग उनुका के एही बदे बहुत महत्व देला।

होमर कहाँ पैदा भइलें आ कहाँ निवास रहे आ कब रहलें ई सब बहुत ठिक से मालुम नइखे बाकी हेरोडोटस के ई अनुमान रहे की होमर उनुका ले 400 बरिस पहिले रहलें ए हिसाब से होमर के समय 850 ईसा पूर्व होखे के चाहीं।

होमर के मानल जाये वाली रचना सभ

आज "होमर" के नाँव मुख्य रूप से खाली इलियड आ ओडिसी से जोड़ल जाला। हालाँकि, पुराना समय में कई ठे अउरी रचना सभ के भी होमर के रचल मानल जात रहे। एह में होमेरिक भजन, होमर आ हेसियड के कंपटीशन, कई गो एपिग्राम, लिटिल इलियड, नोस्टोई, थीबाइड, साइप्रिया, एपिगोनी, हास्यप्रधान लघु महाकाव्य बेट्राकोमायोमाखिया ("मेंढ़क आ मूस के जुद्ध"), मार्जाइट्स, कैप्चर ऑफ ओइखालिया आ फोकाइस शामिल रहलें।

आज ई दावा सभ के प्रामाणिक ना मानल जाला, आ प्राचीन यूनानी दुनिया में भी एह पर सभे के सहमति ना रहे। होमर के जीवन से जुड़ल अनेक कथा-कहानी नियर, ई दावा सभ भी मुख्य रूप से एह बात के ओर इशारा करेला कि प्राचीन यूनानी संस्कृति में होमर के स्थान बहुते महत्वपूर्ण रहे।