हर

भारत के कर्नाटक राज्य के मैसुरु इलाका में हर जोत रहल एगो किसान

आधुनिक जमाना के ट्रैक्टर वाला हर जोतल

हर (अंग्रेजी: plough, हिंदी: हल) खेती मे कामे आवे वला एगो औजार हटे, जेकरा से बोआई से पहिले खेत के माटी के जोतल जाला। हर अइसे त घोड़ा भा बैल घींचत रहऽ सन, बाकिर आज-काल ई काम ट्रैक्टर से होखे लागल बाटे।

हर, ऊपर के माटी के पलट देला, जेह से नीचे से उपजाऊ माटी ऊपर आ जाला। खेत जोतला के बाद ओकर माटी के सुखे के छोड़ दिआला, फेन ओह मे रोपाइ करे से पहिले, ओकरा बराबर करे बदे हेंगावल जाला।

नाँव

पुरान आ खिआइल हर के, खिनौरी भा खुटहरा कहल जाला, आ नाया हर के नवघर भा नवठा कहल जाला।

भाग

हर मे हई सभ चीझ होला:

1. हरिस
2. हर
3. परिहथ
4. खेड़ा
5. टोर
6. फार
7. पाट
8. बराइन
9. करुआरा
10. पालो