स्केटबोर्डिंग
 चीन के बीजींग में एगो स्केटबोर्डर | |
| Characteristics | |
|---|---|
| Mixed gender | हँऽ, अलग-अलग प्रतियोगिता |
| Presence | |
| Country or region | दुनियाभर |
| Olympic | 2020 के ओलंपिक से |
स्केटबोर्डिंग एगो एक्शन वाला खेल ह जवने में कई तरह की कलाकारी की साथ स्केटबोर्ड क सवारी शामिल कइल जा सकेला। स्केटबोर्डिंग के एगो मनोरंजक गतिविधि, एगो कला, एगो नौकरी या परिवहन का एगो तरीका मानल जा सकेला।[1] पिछला कई सालन की दौरान स्केटबोर्डिंग की वर्तमान स्वरूप के कईगो स्केटबोर्डर्स ढलले और प्रभावित कइले बालो। 2009 में प्रकाशित एगो रिपोर्ट में पावल गइल की दुनिया भर क स्केटबोर्डिंग क बाजार अपनी 11.08 मिलियन सक्रीय यूजर्स की साथ कुल $ 4.8 बिलियन सालाना मूल्य क हो गइल रहे।[2] 2016 में स्केटबोर्डिंग के 2020 में टोक्यो, जापान में आयोजित होखे वाला ओलंपिक खेलन में शामिल कइले क घोषणा कइल गइल।[3]
1970 की दशक की बाद से, स्केटबोर्डर्स की उपयोग खातिर स्केटपार्क्स बनल शुरू हो गई न स।
इतिहास
[संपादन करीं]
शुरूआती स्केटबोर्ड लकड़ी क बनल रह न स जवने की नीचे पहिया लागल रहे।
स्केटबोर्डिंग, जैसन की हमनी के जानकारी बा, एकर जनम सन 1940 की अंत में या फिर 1950 की शुरुआत में भइल रहे, जब कैलिफोर्निया में लहर सपाट होखले की चलते ओइजा क सर्फर लोग कुछ और कइले क विचारल लो। केहू के नईखे पता की पहिला बोर्ड के बनावल; एईसन लागेला की कईगो अदमी समान आइडिया की साथ एके समय पर सामने आइल। पहिला निर्मित स्केटबोर्ड क ऑर्डर लोस एंजेल्स, केलिफोर्निया क सर्फिंग क सामान बेचे वाली दुकान दिहलस, जेकर मुख्य उद्देश्य एके सर्फर लोगन के ओ लोगन की खाली समय में उपयोग करे खातिर उपलब्ध करवले क रहे।[4][5][6] सन 1960 आवत आवत दक्षिण केलिफोर्निया में कईगो छोट स्केटबोर्ड निर्माता अस्तित्व में आ गइल रह न स जवने क बनावल स्केटबोर्ड पहिले की तुलना में छोट रहे, ए स्केटबोर्डन की प्रचार प्रसार खातिर इ ख़ास तौर प टीम बनवले रह न स।
जैसे ही स्केटबोर्डिंग मशहूर होखे लागल, 1964 में पहिला स्केटबोर्डिंग से संबंधित पत्रिका दी क्वार्टरली स्केटबोर्डर प्रकाशित भइल।[7]
पहिला स्केटबोर्डिंग प्रतियोगिता नेशनल स्केटबोर्डिंग चैम्पियनशिप क आयोजन अनाहीम, केलिफोर्निया में भइल और एकर प्रसारण एबीसी की वाइड वर्ल्ड ऑफ़ स्पोर्ट्स प भइल।
सन 1966 की शुरुआत ले कई तरफ से आवाज उठे लागल की स्केटबोर्डिंग एगो खतरनाक खेल ह, जेकरी वजह से स्केटबोर्ड की खरीद बिक्री में कमी आवे लागल। 1966 में स्केटबोर्डर पत्रिका क बिक्री बहुत तेजी से घटले से, इ पत्रिका आपन प्रकाशन बंद क दिहलस। स्केटबोर्डिंग क लोकप्रियता कम हो गइल रहे और 1970 ले कमे बनल रहल।
शुरुआती 1970 की दशक में, एगो कंपनी फ्रेंक नेस्वर्दी एगो नया स्केटबोर्ड बनवलस जेकर पहिया पालीयुरथेन क बनल रहे, कंपनी एकर नांव कैडीलिक व्हील्स रखलस।[8] एकरी पहिले स्केटबोर्ड क पहिया आमतौर प क्ले चाहें धातु क बने। एगो झोंका की तरह आइल ए बदलाव की चलते स्केटबोर्ड की प्रदर्शन में बेहतरीन सुधार भइल जेकरी वजह से स्केटबोर्डिंग क लोकप्रियता फेर से बहुत तेजी से चढ़ल शुरू भइल, और ए वजह से कईगो कंपनी फेर से ए क्षेत्र में फेर से निवेश क शुरुआत कइली स।
1975 में स्केटबोर्डिंग क लोकप्रियता बहुत अधिक बढ़ल रहे जेकरी चलते 1960 से अबले क एगो सबसे बड़ा प्रतियोगिता डेल मार नेशनल चैम्पियनशिप क आयोजन कइल गइल, जेमें कहल जाला की 500 प्रतियोगी हिस्सा लेले रहन स।
संदर्भ
[संपादन करीं]- ↑ Ocean Howell (2003). "Extreme Market Research". Topic Magazine. Topic Magazine. Retrieved 17 अगस्त 2012.
- ↑ Montgomery, Tiffany (12 मई 2009). "The state of the skateboarding industry". Retrieved 23 जुलाई 2014.
- ↑ "Skateboarding Is Officially an Olympic Sport. What Now?". 6 अगस्त 2016. Retrieved 8 अगस्त 2016.
- ↑ Marcus, Ben; Grggi, Lucia (2011). The Skateboard: The Good, the Rad, and the Gnarly: An Illustrated History. MVP Book. Retrieved 26 अक्टूबर 2012.
- ↑ Borden, Iain (2001). Skateboarding, Space and the City: Architecture and the Body. Oxford. Retrieved November 8, 2012.
- ↑ Weyland, Jocko (2002). The Answer Is Never: A Skateboarder's History of the World. Grove Press. Retrieved 10 नवंबर 2012.
- ↑ Smith, Jack (2009). The Skateboarder's Journal - Lives on Board. The Morro Skateboard Group. Retrieved October 26, 2012.
- ↑ "Skateboarding: A Brief History (page 1)". Retrieved 1 सितंबर 2007.