सेगोविया के एक्वाडक्ट

Old Town of Segovia and its Aqueduct

यूनेस्को बिस्व धरोहर स्थल
पैमाना	Cultural: i, iii, iv
संदर्भ	311
इंस्क्रिप्शन	1985 (9th सेशन)

सेगोविया के एक्वाडक्ट (अंग्रेजी: Aqueduct of Segovia) (या एक्वाडक्ट पुल) एक ठो रोमन एक्वाडक्ट बाटे जे स्पेन के आइबेरियन प्रायदीप इलाका में सेगोविया में बाटे। ई पुल पानी बहा के ले जाए वाला सिस्टम, एक्वाडक्ट, के हिस्सा के रूप में बनल पुल हवे जे रोमन काल में बनल रहल। एकरे निर्माण के बिल्कुल सटीक समय के जानकारी नइखे काहें से कि एह पर समय बतावे वाला लेख जवना पत्थर पर लिखल रहल ऊ अब मौजूद नइखे।

ई स्पेन के एक ठो प्रमुख धरोहर, इतिहासी महत्व के इमारत आ पर्यटन के आकर्षण बाटे। अपने तरह के एक्वाडक्ट सभ में ई दुनिया के सभसे सुरक्षित बचल इमारत सभ में एक बा। एही से एकरा इतिहासी महत्व के देख के ई यूनेस्को के बिस्व धरोहर स्थल के रूप में घोषित बाटे। सेगोविया खातिर एकरे महत्व के अंजाद एही बात से लगावल जा सके ला कि ई उहाँ के "निशान" (coat of arms) पर बनल बाटे।

बाहरी कड़ी

• Club de Amigos del Acueducto (स्पैनिश में)
• Norma Barbacci, "Saving Segovia's Aqueduct," ICON Magazine, Winter 2006/2007, p. 38-41. Archived 2011-05-16 at the Wayback Machine
• Aqueduct of Segovia - Information and photos.
• 600 Roman aqueducts with 35 descriptions in detail among which the Segovia aqueduct
• World Monuments Fund - Acueducto de Segovia (स्पैनिश में)