सेंटीमीटर

विकिपीडिया से
Jump to navigation Jump to search
सेंटीमीटर
CarpentersRule.png
बढ़ई लोग के रूलर जेह में सेंटीमीटर में पैमाना बनल बा।
Unit information
Unit system मीट्रिक
Unit of लंबाई
Symbol cm 
Unit conversions
1 cm in ...... is equal to ...
   एसआइ यूनिट    10 mm
   इंपीरियल & यूएस सिस्टम    ~0.3937 इंच

सेंटीमीटर भा सेंटिमीटर (अंगरेजी: Centimetre) मीटरी सिस्टम में, लंबाई नापे के एगो इकाई (यूनिट) हवे जे एक मीटर के सउवाँ हिस्सा के बरोब्बर होला; सेंटी शब्द एसआई यूनिट में सउवाँ हिस्सा 1/100.[1] के कहल जाला। एकर चीन्हा cm होला आ देवनागरी में एकरा के छोट रूप में सेमी लिखल जाला।

ई पहिले बेस इकाई रहल जब सेंटीमीटर-ग्राम-सेकेंड (CGS) सिस्टम के इस्तेमाल होखे जे अब चलन से बहरें हो गइल बा। हलाँकि, मीटर आ किलोमीटर के इस्तेमाल जादेतर बैज्ञानिक नापजोख में इस्तेमाल होला, बहुत सारा प्रेटीकल कामकाज सभ में सेंटीमीटर के इस्तेमाल चलन में बा।

लंबाई के अउरी इकाई सभ से तुलना[संपादन]

1 सेंटीमीटर = 10 मिलीमीटर
= 0.01 मीटर
= 0.393700787401574803149606299212598425196850 इंच
 (एक इंच में सटीक 2.54 सेंटीमीटर होलें।)

एक मिलीलीटर के एसआइ यूनिट में एक घन सेंटीमीटर के बराबर आयतन के रूप में परिभाषित कइल जाला।


युनिकोड चीन्हा[संपादन]

चीनी, जापानी आ कोरियाई लिखाई में चीन्हा सभ के साथे मैच करावे के मकसद से एह सेंटीमीटर के युनिकोड चीन्हा बनावल गइल बाड़ें:[2]

  • सेंटीमीटर (㎝) – कोड 339D
  • वर्ग सेंटीमीटर (स्क्वेयर सेंटीमीटर) (㎠) – कोड 33A0
  • घन सेंटीमीटर (क्यूबिक सेंटीमीटर) (㎤) – कोड 33A4

ई युनिकोड चीन्हा सभ चीनी-जापानी-कोरियाई (CJK) फोंट सभ के साथे इस्तेमाल होलें काहें से की इनहना के चौड़ाई एक चीनी अच्छर के चौड़ाई के बरोब्बर बाटे।

संदर्भ[संपादन]

  1. "Decimal multiples and submultiples of SI units". Bureau International des Poids et Mesures. 2014. पहुँचतिथी 5 July 2015.
  2. CJK Compatibility excerpt from The Unicode Standard, Version 10.0.