सयौं थुँगा फूलका

विकिपीडिया से
Jump to navigation Jump to search
सयौं थुँगा फूलका
भोजपुरी: सैयन गो फूल के
Emblem of Nepal (2008–2020).svg

 नेपाल के राष्ट्रीय राष्ट्रगान
गीतकार प्रदीप कुमार राई
ब्याकुल माइला
संगीत अम्बर गुरुंग
अंगीकार 3 अगस्त 2006

सयौं थुँगा फूलका (नेपाली: सयौं थुँगा फूलका "सैयन गो फूल हमनी के") नेपाल के एगो राष्ट्रीय गीत ह। ई आधिकारिक तौर पर 3 अगस्त 2006 के राष्ट्रीय गीत के रूप में अपनावल गइल, ई राष्ट्रीय योजना आयोग द्वारा रखल गइल एगो समारोह के बीच, सिंह दरबार के सम्मेलन हॉल में अंतरिम संसद के सभामुख श्री शुभाष नेमवांग द्वारा उद्घोष के साथ अपनावल गइल।[1][2][3] पिछलका, राष्ट्रीय गान, 1962 में अपनावल गइल रहल, लेकिन राजतंत्र खतम होखला के बाद पिछलका गाना के जगह पर नया गाना अपनावल गइल।[4]

गीत के बोल प्रदीप कुमार राई द्वारा लिखल गइल रहल, उनकर उपनाम ब्याकुल माइला ह। संगीत स्वर्गीय अम्बर गुरुंग द्वारा रचल गइल रहल। राष्ट्रीय गीत में साधारणतया नेपाली संप्रभुता, एकता, साहस, गौरव, दर्शनीय सुन्दरता, प्रगति, शांति, सांस्कृतिक आ भौगोलिक विविधता आ आदर के बारे में उल्लेख करल गइल बा। अगस्त 2016 में, बीबीसी नेपाली राष्ट्रीय गीत के रियो 2016 के सूची में 3रा स्थान पर रखले रहे: दूसर गाना से तुलना के हवाला देते हुए ए के सभन से अद्भुत बतवलस।[5]

बोल[संपादन करीं]

नेपाली बोल भोजपुरी बोल
सयौं थुँगा फूलका हामी, एउटै माला नेपाली
सार्वभौम भै फैलिएका, मेची-महाकाली।
प्रकृतिका कोटी-कोटी सम्पदाको आंचल
वीरहरूका रगतले, स्वतन्त्र र अटल।
ज्ञानभूमि, शान्तिभूमि तराई, पहाड, हिमाल
अखण्ड यो प्यारो हाम्रो मातृभूमि नेपाल।
बहुल जाति, भाषा, धर्म, संस्कृति छन् विशाल
अग्रगामी राष्ट्र हाम्रो, जय जय नेपाल।
सैयन गो फूल हमनी के, एके गो माला नेपाली
सार्वभौम होके फैलल बानी जा, मेची से महाकाली
प्रकृति के कोटि-कोटि सम्पदा के आंचल,
वीर कुल के रक्त से, स्वतंत्र आ अटल
ज्ञानभूमि, शांतिभूमि तराई, पहाड़, हिमाल
अखंड ई प्यारा हमार मातृभूमि नेपाल
बहुल जाती, भाषा, धर्म, संस्कृति बा विशाल
अग्रगामी राष्ट्र हमार, जय जय नेपाल!
भोजपुरी में अर्थ
सैयन गो फूल हई जा हमनी के, एके गो माला नेपाली के
स्वतंत्र होके फैलल बानी जा मेची से महाकाली तक
प्राकृत के सम्पति के आंचल असीमित बा एहिजा
बिर लोग के खून से ई देश स्वतंत्र आ अटल बा
ई ह ज्ञानभूमि, शांतिभूमि जँहवा बा तराई, पहाड़ आ हिमालय
अभाज्य आ हमनी के प्यारा भूमि, ई ह हमनी के मातृभूमि नेपाल
एहिजा बहुत तरह के जात-जाति के लोग बा, बहुत तरह के भाषा बा, कई धर्म के लोग बा, एहिजा के संस्कृति विशाल बा,
ई हमनी के देश अग्रगामी बा (प्रगति के पथ पर बढ़ रहल बा), आव लोग सभे मिल के नेपाल के जयकार करल जाव!

इहो देखल जाय[संपादन करीं]

बाहरी कड़ी[संपादन करीं]

संदर्भ[संपादन करीं]

  1. Nepalnews.com Mercantile Communications Pvt. Ltd
  2. eKantipur.com - Nepal's No.1 News Portal Archived 2007-09-27वेबैक मशीन पर .
  3. officially declared as the new Nepal national anthem on August 3, 2007
  4. Marshall, Alex (2015). Republic or Death! Travels in Search of National Anthems. London: Random House Books. pp. 33–63. ISBN 9781847947413. जब लोग काठमांडू में राजा के खिलाफ विरोध करे लगले आ जब माओवादी शांतिपूर्वक सरकार के साथ राजनीति में आ के काम करे के तैयार हो गइले, तब माओवादीयन द्वारा मांग राखल गइल रहे कि राष्ट्रीय गीत बदलल जाइ।
  5. "Nepal's national anthem third in 'The most amazing national anthems' list". Republica. 9 August 2016. Retrieved 10 August 2016.