समुंद्री धारा

विकिपीडिया से
Jump to navigation Jump to search
बिस्व के नक्शा पर देखावल समुंद्री धारा सभ
समुंद्री धारा सभ के बैस्विक पैटर्न

समुंद्री धारा चाहे महासागरीय धारा (अंगरेजी: Ocean current), समुंद्र के पानी के लगातार आ निश्चित दिसा में होखे वाला बहाव हवे। ई कई किलोमीटर चाकर धारा के रूप में होखे ला आ बहुत दूर तक ले जाला। एकरे पाछे मूल कारण समुंद्र में ऊर्जा के बितरण के बराबर करे खातिर होखे वाला संचलन हवे। डाइरेक्ट कारण के बा कइल जाय तब, समुंद्र में तापमान, नमकीनियत, पानी के घनत्व इत्यादि में अंतर; हवा के बहाव के परभाव, तरंग सभ के टूटे के परभाव आ महादीप आ दीप सभ के मौजूदगी से एह धारा सभ के चाल आ दिशा परभावित होखे ले।

इनहन के वर्गीकरण गर्म आ ठंडा धारा के रूप में कइल जाला। आमतौर पर ध्रुवी इलाका से भूमध्यरेखा के ओर बहे वाली धारा सभ के पानी बह के जवना इलाका में चहुँपे ला ओह इलाका के अपना आसपास के पानी से ठंढा होखे ला। इनहन के ठंढा धारा कहल जाला। एकरे बिपरीत भूमध्य रेखा के इलाका से ध्रुव के ओर बहे वाली धारा सभ गर्म धारा होखे लीं।

बैस्विक रूप से ई धारा सभ ऊर्जा के स्थानांतरण के हिस्सा हईं। इनहन से बैस्विक कन्वेयर बेल्ट बने ला जे समुंद्र में ऊर्जा के बितरण बराबर करे ला। एकरे अलावा जहाँ ई धारा बहे लीं उहाँ आसपास के इलाका के जलवायु पर आपन परभाव डाले लीं। समुंदरी परिवहन (जहाज यात्रा) आ मछरी पकड़े के इंडस्ट्री पर भी इनहन के परभाव पड़े ला।

कुछ प्रमुख समुंद्री धारा[संपादन]

  नाँव समुंद्र नोट
1 गल्फ स्ट्रीम उत्तरी अटलांटिक मैक्सिको के खाड़ी से ले के पच्छिमी यूरोप तक
2 इरमिंगर धारा उत्तरी अटलांटिक आइसलैंड के पूरब में
3 लैब्रेडॉर धारा उत्तरी अटलांटिक
4 पूरबी ग्रीनलैंड धारा उत्तरी अटलांटिक
5 कनारी के धारा उत्तरी अटलांटिक
6 उत्तरी अटलांटिक ड्रिफ्ट उत्तरी अटलांटिक
7 रेनेल धारा उत्तरी अटलांटिक
8 नार्वेजियाई धारा उत्तरी अटलांटिक
9 फ्लोरिडा के धारा उत्तरी अटलांटिक
10 एंटिलीज धारा उत्तरी अटलांटिक
11 दक्खिनी अटलांटिक ड्रिफ्ट दक्खिनी अटलांटिक
12 ब्राजील धारा दक्खिनी अटलांटिक
13 फॉकलैंड धारा दक्खिनी अटलांटिक
14 बेंगुला धारा दक्खिनी अटलांटिक
15 मोजांबिक धारा हिंद महासागर
16 अगुलहास धारा हिंद महासागर
17 मैडागास्कर धारा हिंद महासागर
18 पच्छिम ऑस्ट्रेलिया धारा हिंद महासागर
19 मानसून ड्रिफ्ट हिंद महासागर
20 सोमाली धारा हिंद महासागर
21 क्यूरोशिवो धारा प्रशांत महासागर
22 ओयाशिवो धारा/क्यूराइल प्रशांत महासागर
23 शुशिमा धारा प्रशांत महासागर
24 ओखोटस्क धारा प्रशांत महासागर
25 अलास्का धारा प्रशांत महासागर
26 उत्तरी प्रशांत ड्रिफ्ट प्रशांत महासागर
27 कैलिफोर्निया धारा प्रशांत महासागर
28 एल निनो धारा प्रशांत महासागर
29 ला निना धारा प्रशांत महासागर
30 हंबोल्ट धारा/पेरू धारा प्रशांत महासागर
31 पूरबी ऑस्ट्रेलिया धारा प्रशांत महासागर

संदर्भ[संपादन]

बाहरी कड़ी[संपादन]