सबरीमला मंदिर

सबरीमला मंदिर
Sabarimala Shreekovil
Location in Kerala
बेसिक जानकारी
लोकेशन	Perunad
अक्षांस-देशांतर	9.4375°N 77.0805°E / 9.4375; 77.0805
धर्म/मत	Hinduism
देवता	Dharmasasta as Ayyappa
तिहुआर	Makaravilakku
District	Pathanamthitta
राज्य	केरल
देस	India
वेबसाइट	www.sabarimala.kerala.gov.in
Architectural description
आर्किटेक्चर प्रकार	Kerala Temple architecture
पूरा भइल	Before 12th century AD
बिसेस लच्छन
मंदिर सभ	4
ऊँचाई	480 मी (1,575 फीट)

सबरीमला मंदिर भारतीय राज्य केरल में मौजूद पेरियार टाइगर रिजर्व में एगो हिंदू मंदिर बा। ई हिंदू धर्म के कुछ सभसे पबित्र मंदिर सभ में से एक मानल जाला। इहाँ तीर्थजतरा करे आवे वाला लोग के सालाना संख्या दुनिया में सबसे ढेर बा आ अनुमान बा कि लगभग 1.7 करोड़ से ले के 3 करोड़ लोग हर साल इहाँ आवे ला। कुछ अनुमान सभ के मोताबिक ई संख्या 5 करोड़ (50 मिलियन) तक भी बतावल जाले।मंदिर के मुख्य देवता भगवान अय्यपन हवें जिनके मान्यता अनुसार शिव आ विष्णु के बेटा बतावल जाला। सबरीमला में शैव, वैष्णव, शाक्त आ अउरी श्रमण परंपरा सभ के मेरवन आ आपसी सामंजस्य देखे के मिले ला।

मुख्य मंदिर एगो पहाड़ी के चोटी पर बनल बा आ एकरे चारों ओर अठारह गो पहाड़ी बाड़ी सऽ। इनहनों पर मंदिर बनल बाड़ें आ अउरी बिबिध कथा से जुड़ल मंदिर भी आसपास बाने। मंदिर आम जनता के दर्शन खाती साल में तीन गो अवसर पर खुले ला — मंडलपूजा, मकर संक्रांति आ मेष संक्रांति पर।

परंपरा अनुसार मंदिर में औरतन के परबेस बर्जित हवे, हालाँकि, छोट उमिर के लइकी आ बृद्धा औरत लोग के जाए दिहल जाला। केरल हाईकोर्ट अपना एगो फैसला में एह परंपरा के अइसहीं राखे के निर्णय दिहले रहल जबकि साल 2018 में भारत के सुप्रीम कोर्ट औरतन के मंदिर जाए देवे से मनाही के असंबैधानिक आ बिभेदकारी मानल।