लिम्बुवान
लिम्बुवान कोशी प्रदेश में एगो भौगोलिक क्षेत्र ह जवन इतिहास में 10 गो लिम्बु राज्य सभ के संयुक्त रूप से कहल जात रहे। लिम्बुवान के अर्थ होला "लिम्बु लोग के धरती"। लिम्बुवान के लिम्बु भाषा में "याक्थुंग लाजे" कहल जाला, जेकर मतलब होखेला याक्थुंग (लिम्बु लोग) के धरती।[1]
आज के हिसाब से लिम्बुवान में पड़े वाला जिला सभ ह: ताप्लेजुंग, पांचथर, इलाम, झापा, तेह्रथुम, संखुवासभा, धनकुटा, सुनसरी आ मोरंग।[2]पच्छिम में अरुण नदी आ कोशी नदी अउर पूरब में कंचनजंघा पर्वत आ मेची नदी के बीच के क्षेत्र के लिम्बुवान समझल जाला।[1] पूर्बी नेपाल में रहे वाला प्रमुख जाती के लोग के स्थानीय भाषा में किराती कहल जाला।[3] पूर्बी नेपाल के ई हिस्सा तीन विभाग में बँटल रहे, जेकर नाम रहे: वल्लो किरात (नजदीकी किरात), माझ्झ किरात (बीच के किरात) आ पल्लो किरात (दूर के किरात)।[3] लिम्बुवान पल्लो किरात के हिस्सा रहल।[4]
संदर्भ
[संपादन करीं]- ↑ 1.0 1.1 P.46 National Costumes of Nepal By Persijs Muiznieks, 23 Aug 2011
- ↑ Ekantipur Report. "Declare 9 eastern districts as Limbuwan state: Lingden - National - The Kathmandu Post". Ekantipur.com. Archived from the original on 2015-04-21. Retrieved 2018-06-08.
- ↑ 3.0 3.1 History, Culture and Customs of Sikkim By J. R. Subba, 2008
- ↑ P.5 Democratic Innovations in Nepal: A Case Study of Political Acculturation By Bhuwan Lal Joshi, Leo E. Rose, 1966