मालाबार तट

विकिपीडिया से
(मालाबार किनारा से अनुप्रेषित)
भारत में मालाबार तट के लोकेशन

मालाबार तट भा मालाबार किनारा दक्खिन भारत के पच्छिमी समुंदरी किनारे पर पातर पट्टी के रूप में बिस्तार लिहले एगो समुंद्री किनारा हवे। आमतौर पर एकर बिस्तार कन्याकुमारी से ले के पूरा केरल राज्य आ कर्नाटक राज्य के किनारा भर मानल जाला। हालाँकि, कुछ लोग पूरा पच्छिमी किनारा के एह नांव से बोलावे ला, जबकि कुछ लोग गोवा आ महाराष्ट्र के किनारा के कोंकण तट के नाँव देला। एह किनारा के दक्खिनी हिस्सा लक्षदीप सागर के साथे हवे जे खुद अरब सागर के हिस्सा हऽ, उत्तरी हिस्सा सीधे अरब सागर के सहारे हवे।

मालाबार तट पच्छिमी घाट के सहारे एगो पातर पट्टी हवे जहाँ पच्छिमी घाट के पहाड़ी सभ मानसून के बादर रोक के भरपूर बरखा करावे लीं। एही से ई इलाका पर्याप्त नमी वाला हवे आ बिबिध किसिम के फसल उपजावल जालीं। धान, नारियलमसाला सभ के खेती खाती ई इलाका बहुत परसिद्ध हवे।

संदर्भ[संपादन करीं]