बोतलबंद ऑक्सीजन

बोतलबंद ऑक्सीजन सिलिंडर

बोतलबंद ऑक्सीजन (Bottled oxygen) छोट साइज के, एक जगह से दुसरे जगह ढो के ले जाए लायक (पोर्टेबल) सिलिंडर होलें जे पहाड़ पर चढ़ाई करे वाला लोग के कामे आवे लें। ई छोट-छोट ऑक्सीजन सिलिंडर होलें जिनहन में हाई प्रेशर पर ऑक्सीजन गैस भरल होले।

पहाड़ पर ऊँचाई बढ़े के साथे-साथ हवा के कमी होखे लागे ला आ नार्मल हवा में जेतना ऑक्सीजन होला (21 परसेंट) उहो कम होखे लागे ला, एही कारन पर्वतारोही लोगन के साँस लेवे में दिक्कत होखे लागे ले। एही के उपाय के रूप में ऊ लोग ई बोतलबंद ऑक्सीजन अपना संघे ले जाला कि साँस लेवे में दिक्कत होखे पर आर्टिफिशियल तरीका से एह सिलिंडर सभ में से ऑक्सीजन ले के कमी के पूरा का सके।

एकरे अलावा एह बोतलबंद ऑक्सीजन के इस्तेमाल समुंद्र में डाइविंग करे वाला लोग चाहे मेडिकल इमरजेंसी में या सर्जरी (आपरेशन) के समय भी इस्तेमाल कइल जा सके ला; हालाँकि मेडिकल ऑक्सीजन अलगा से बड़ सिलिंडर सभ में रखल जाले, बाकी ई बोतलबंद ऑक्सीजन भी उहे काम जरूरत पड़े पर क सके ला। एंबुलेंस में कम जगह में रखे लायक इहो सिलिंडर रखल जा सके लें।