बिस्व पर्यावरण दिवस

विकिपीडिया से
सीधे इहाँ जाईं: नेविगेशन, खोजीं
बिस्व पर्यावरण दिवस
World Environment day
Ecologia.jpg
ऑफिशियल नाँव यूनाइटेड नेशंस बिस्व पर्यावरण दिवस
अन्य नाँव इको डे, पर्यावरण दिवस
प्रकार अंतरराष्ट्रीय
Observances पर्यावरण जागरुकता, पर्यावरण संरक्षण
समय 5 जून
पहिली बेर जून 5, 1974; 43 साल पहिले (1974-06-05)

यूनाइटेड नेशंस बिस्व पर्यावरण दिवस हर साल 5 जून के मनावल जाला। ई यूनाइटेड नेशंस के द्वारा दुनिया भर में हमनी के प्राकृतिक पर्यावरण के रक्षा सुरक्षा खातिर जागरूकता ले आवे खातिर मनावल जाला। पहिली बेर ई 1974 में मनावल गइल आ आज 143 से ज्यादा देसन में हर साल मनावल जा रहल बाटे। हर साल एकरा खातिर एक ठो थीम चुनल जाले। दुनिया भर के सरकारी, गैर-सरकारी संस्थान आ इस्कूल कॉलेज में ई दिवस मनावल जाला।

ए साल, 2017 में एह दिवस के मुख्य आयोजन करे खातिर कनाडा देस के चुनल गइल बा। 15 मई 2017 के कनाडा के सरकार द्वारा एह दिवस खातिर आपन जुवा दूत लोग के नाँव के घोषणा कइल गइल।[1]

इतिहास[संपादन]

साल 1972 में यूनाइटेड नेशंस द्वारा मानव पर्यावरण विषय पर महासभा के आयोजन कइल गइल रहल। एही चर्चा के दौरान बिस्व पर्यावरण दिवस मनावे खातिर सुझाव दिहल गइल आ एकरे दू बरिस बाद, 5 जून 1974 से मनावल भी सुरू क दिहल गइल। 1987 में एकर जगह बदलत रहे के सुझाव सामने आइल आ ओकरे बादे से एकरे मुख्य आयोजन खातिर अलग-अलग देसन के पारी-पारा चुनल जाला।

एहमें हर साल 143 से ढेर देस हिस्सा लेवे लें आ कई सरकारी, सामाजिक आ व्यावसायिक लोग पर्यावरण के सुरक्षा, समस्या आदि विषय पर चर्चा करे लें।

विश्व पर्यावरण दिवस मनावे खातिर भारत के कवि अभय कुमार एक ठो धरती गान लिखलें, जवना के 2013 में नई दिल्ली में आयोजित पर्यावरण दिवस के दिन भारतीय सांस्कृतिक परिषद में आयोजित एक ठो समारोह में भारत के तत्कालीन केंद्रीय मंत्री, कपिल सिब्बल आ शशि थरूर एह गाना के पेस कइल लोग।

पौधा रोपत कुछ लोग
भारत में पौधा रोप के पर्यावरण दिवस मनावत नेवी के जवान

सालाना थीम[संपादन]

2017[संपादन]

साल 2017 में पर्यावरण दिवस के थीम बाटे लोग के प्रकृति से जोड़ल – शहर में आ जमीन पर, ध्रुवीय इलाका सभ से ले के भूमध्य रेखा तक ले। मुख्य आयोजन करे वाला देस कनाडा बाटे।[2]

इहो देखल जाय[संपादन]

संदर्भ[संपादन]

  1. Environment and Climate Change Canada; "Canada announces World Environment Day youth ambassadors"; Newswire.ca; पहुँचतिथी 2017-05-17. 
  2. 2017 Host country named as Canada, UNEP, 31 जनवरी 2017

बाहरी कड़ी[संपादन]