परमानेंट एकाउंट नंबर

विकिपीडिया से
Jump to navigation Jump to search

परमानेंट एकाउंट नंबर (पैन) (अंगरेजी: PAN) एगो कोड हवे जे भारत में लोगन के पहिचान खातिर इस्तेमाल होला, खासतौर पर अइसन लोग के पहिचान खाती जे लोग इनकम टैक्स देत होखे। ई दस अच्छर के कोड होला जेह में अंगरेजी के अच्छर आ गिनती के अंक सामिल होलें। ई कोड भारत सरकार के आयकर बिभाग (इनकम टैक्स डिपार्टमेंट) द्वारा जारी कइल जाला। नंबर के एगो कार्ड पर जारी कइल जाला जेकरा के पैनकार्ड कहल जाला। ई एक ठो पहिचान प्रमाण पत्र के रूप में भी मान्य दस्तावेज हवे।

पैन, भारत के बाहर के नागरिक लोग के भी इशू कइल जाला, वीजा के बैधता के आधार पर, आ ई भारत के नागरिक होखे के प्रमाण ना होला। एह पर ब्यक्ति के पता भी ना लिखल होला, एही कारन ई निवास भा पता के प्रमाण के रूप में भी ना इस्तेमाल हो सके ला। बहुत सारा फाइनेंस के कामकाज आ रुपिया-पइसा के लेनदेन खातिर पैन बतावल अनिवार्य बाटे। एकर मुख्य मकसद सगरी लेनदेन सभ खाती ब्यक्ति भा कंपनी इत्यादि के यूनीक पहिचान कइल हवे जेवना से टैक्स चोरी से निपटल जा सके।

संदर्भ[संपादन]