नोकिया 8

विकिपीडिया से
Jump to navigation Jump to search
नोकिया 8
ब्रांड नोकिया
डेवलपर एचएमडी ग्लोबल
मैन्यूफैक्चरर एफआइएच मोबाइल
संबंधित नोकिया 3
नोकिया 5
नोकिया 6
प्रकार स्मार्टफोन
डाइमेंशन 151.5 मिमी × 73.7 मिमी × 7.9 मिमी (5.96 बाई 2.90 बाई 0.31 इंच)
वजन 160 ग्राम
ऑपरेटिंग सिस्टम एंड्रॉइड नॉगट
चिप के सिस्टम क्वालकॉम स्नैपड्रैगन 835
सीपीयू ऑक्टा-कोर (4x2.45 GHz & 4x1.9 GHz) क्रयो
जीपीयू अड्रेनो 540
मेमोरी 4 GB, 6 GB RAM
स्टोरेज 64 GB,128 GB
बाहरी स्टोरेज microSD, 256 GB तक
बैटरी स्थाई-फिक्स, 3090 mAh ली-पो
डेटा इनपुट
  • फिंगरप्रिंट स्कैनर,
  • एक्सिलरोमीटर,
  • गाइरोस्कोप,
  • प्रोक्सिमिटी सेंसर,
  • इलेक्ट्रानिक कंपस
  • हाल सेंसर
  • बैरोमीटर
डिस्प्ले 5.3" 2560 x 1440p QHD (554 ppi) 2.5D कर्व डिस्प्ले गोरिल्ला ग्लास 5
पछिला कैमरा 13 MP (Color + OIS) + 13 MP (Mono) with ZEISS optics, 1.12 μm, f/2.0 एपरचर, 76.9-डिग्री व्यू, PDAF, IR range finder, dual-tone flash
फ्रंट कैमरा 13MP PDAF, 1.12 μm, f/2.0 aperture, 78.4-degree view, display flash
साउंड दोहरा स्पीकर, डॉल्बी एटमॉस
कनेक्टिविटी • 3.5 mm TRRS headphone jack
• Bluetooth 5.0
• USB 3.1 via USB Type C port
अन्य NFC, heart rate, IP54 splash resistance
वेबसाइट https://www.nokia.com/en_int/phones/nokia-8

नोकिया 8 एगो हाई-एंड स्मार्टफोन बा।[1] ई एंड्रॉइड नॉगट ऑपरेटिंग सिस्टम वाला फोन, नया नोकिया फोन बनावे वाली कंपनी एचएमडी ग्लोबल के फ्लैगशिप फोन बा।

फोन में बीडियो आ फोटो खींचे के सुबिधा के खास धियान रखल गइल बा। एह में पछिला-कैमरा आ फ्रंट-कैमरा, दुन्नो से एक्के संघे फोटो लिहल जा सके ला। एह सुबिधा के "बोथी" नाँव दिहल जा रहल बा।

हार्डवेयर[संपादन]

नोकिया 8 में क्वालकॉम स्नैपड्रैगन 835 प्रोसेसर लागल बा, आ एकर दू तरह के वर्शन लांच भइल बा जेह में एक ठो में 4 जीबी रैम आ 64 जीबी इंटरनल मेमोरी बा, जबकि दुसरका में 6 जीबी रैम आ 128 जीबी इंटरनल मेमरी बा। पहिला रूप तीन गो कलर में आई - टेम्पर्ड ब्लू, स्टील आ पौलिश कॉपर जबकि दुसरका पौलिश ब्लू रंग में आई। दुनो में माइक्रोएसडी के रूप में बाहरी मेमोरी चिप लगावल जा सकेला। एह फोन में 5.3" क्यूएचडी डिस्प्ले बा आ गोरिल्ला ग्लास 5 लागल बा।

ई नोकिया के पहिला फोन बा जवना में डुअल-लेंस कैमरा बाटे। पछिला कैमरा में ओआइएस आ डुअल-एलईडी फ्लैश दिहल गइल बा। कैमरा के अउरी बिसेसता एकर ज़ीस ऑप्टिक्स सिस्टम होखल आ 360 डिग्री कैमरा होखल बाटे। यानि एह में एगो नया चीज ई बा कि अगिला आ पछिला, दुन्नो कैमरा सभ के एक्के साथ इस्तेमाल कइल जा सकत बा आ दुनो के इमेज स्क्रीन पर आधा-आधा हिस्सा में देखाई पड़ी। एह फीचर के कंपनी "बोथी" (बोथ माने दुनो) के नाँव से परचारित क रहल बा आ एकरा के "सेल्फी" से आगे के चीज बता रहल बा।

फोन में कई गो माइक लागल बाने आ साउंड रेकार्डिंग भी 360 डिग्री के बा। मतलब कि कैमरा से कौनो रेकार्डिंग करत समय आवाज केहर से आइल ई रेकार्डिंग के देखत समय भी महसूस कइल जा सकी।

साफ्टवेयर[संपादन]

नोकिया 3, नोकिया 5 आ नोकिया 6 के नियर, इहो फोन एंड्रॉइड 7.1.1 "नॉगट" ऑपरेटिंग सिस्टम पर बाटे। एकरे कैमरा संबंधी एप्लीकेशन कुछ अलग किसिम के बा जवना से दुनो कैमरा सभ के एक साथ इस्तेमाल हो सके। नोकिया लूमिया सीरीज के ग्लांस स्क्रीन जइसन, एहू में आलवेज-ऑन, यानी हमेशा ऑन वाला डिस्प्ले सिस्टम दिहल गइल बा।

बजार[संपादन]

कंपनी एह फोन के सैमसंग आ एप्पल नियर कंपनी सभ के टक्कर देवे वाला मोबाइल के रूप में बजार में ले आइल बा। कंपनी के मुख्य रिसर्च अधिकारी बेन वुड के कहनाम बा कि "एह फोन में कुछ इनोवेटिव फीचर बाने जइसे कि डुअल-साइट कैमरा आ 360 डिग्री ऑडियो रेकार्डिंग बाकी ई अबहिन साफ नइखे (बुझात) कि ई सैमसंग आ एप्पल नियर स्थापित प्रतिद्वंदी सभ से ग्राहक लोग के ललचावे खातिर गेम-चेंजिंग फीचर बा कि ना।"[2]

इहो देखल जाय[संपादन]

संदर्भ[संपादन]

  1. "आया नोकिया-8, 'बोथी' के साथ हैं कई खूबियां - BBC हिंदी". Bbc.com. 1970-01-01. पहुँचतिथी 2017-08-17.
  2. Samuel Gibbs (1970-01-01). "Nokia 8 hopes to beat Apple and Samsung with 'bothie', a new version of the selfie | Technology". The Guardian. पहुँचतिथी 2017-08-17.