Jump to content

जस्टिन ट्रूडो

विकिपीडिया से
जस्टिन ट्रूडो
2023 में ट्रूडो
23वाँ कनाडा के परधानमंत्री
पद पर मौजूद
पदभार लिहल गइल
4 नवंबर 2015
नरेशएलिजाबेथ II
इनसे पहिलेस्टीफेन हार्पर
निजी जानकारी
जनमJustin Pierre James Trudeau
(1971-12-25) दिसंबर 25, 1971 (उमिर 52)
ओटावा, ओंटेरियो, कनाडा
अकुपेशन
  • राजनीतिक नेता
  • अध्यापक
दस्खतVectorized signature of Justin Trudeau.
वेबसाइट

जस्टिन ट्रूडो (Justin Trudeau; जनम: 25 दिसंबर 1971) कनाडाई राजनीतिक नेता आ कनाडा के 23वाँ आ वर्तमान परधानमंत्री बाड़ें। ट्रूडो एह पद पर नवंबर 2015 से बाड़ें आ कनाडा के लिबरल पार्टी के अप्रैल 2013 से नेता हवें। कनाडा के इतिहास में ट्रूडो दुसरा सभसे कम उमिर के परधानमंत्री हवें आ पहिला अइसन ब्यक्ति हवें जे कौनों दूसर पहिले रहल परधान मंत्री के नात-रिश्तेदार होखें; ई पूर्व परधानमंत्री पियरे ट्रूडो के बेटा हवें।

ट्रूडो के जनम कनाडा के राजधानी शहर ओटावा में भइल आ ई 1994 में मैकगिल यूनिवर्सिटी से बीए कइलें। 1998 में ब्रिटिश कोलंबिया यूनिवर्सिटी से बीएड करे के बाद ट्रूडो वैंकुवर के एगो इस्कूल में पढ़ावे लागलें। 2002 में वापस मॉन्ट्रियल लवट के आपन पढ़ाई आगे बढ़वलें आ युवा आ पर्यावरण संबंधी मुद्दा सभ खातिर वकालत करे सुरू कइलें। 2006 में इनके लिबरल पार्टी के युवा रिन्यूअल टास्क फ़ोर्स के अध्यक्ष नियुक्त कइल गइल।

2008 के फेडरल इलेक्शन में ट्रूडो पापिनिऊ से कनाडाई सांसद बनलें। 2013 में ई लिबरल पार्टी के मुख्य नेता के चुनाव जितलें आ 2015 में इलेक्शन के अगुवा बनले जेह में पार्टी के जीत भइल आ ई परधानमंत्री बनलें। एकरे बाद ई 2019 आ 2021 के फेडरल इलेक्शन में जीत दर्ज कइलें आ वर्तमान कार्यकाल इनकर तिसरा कार्यकाल हवे।

संदर्भ[संपादन करीं]