गो एयर

विकिपीडिया से
Jump to navigation Jump to search

गो एयर एगो कम लागत वाला विमान सेवा ह, जवन की भारत की मुम्बई शहर में आइल बा।[1] एकर मालिकी भारत की एगो व्यवसायिक समूह वाडिया ग्रुप की लगे बा। इ फरवरी 2016 में 8% बाज़ार की हिस्सा की साथ भारत क पांचवा नम्बर क विमानसेवा रहल ह। इ नवम्बर 2005 में A320 एयरबस विमान बेडा की साथ संचालन शुरू कइलस। अब अगस्त 2016 ले इ विमान कम्पनी दिल्ली आ मुम्बई हब से रोजाना क 140 उड़ान क संचालन करेले।[2]

इतिहास[संपादन]

गो एयर क शुरुआत सन 2005 में भारतीय उद्योगपति नुस्ली वाडिया क लईका जहाँगीर वाडिया कई न। इ विमान कम्पनी वाडिया समूह क पूर्ण स्वामित्व वाला सहायक कम्पनी ह। इ विमान कम्पनी शुरुआत में सन 2005 में एगो विमान की साथ गोवा से कोयंबटूर सहित कुल 4 जगह खातिर सेवा शुरू कइलस, सन 2008 ले एकर योजना 1 से 36 विमान कइले क रहे।[3]

जनवरी 2013 में इ विमान कम्पनी निवेश बैंक जेपी मोर्गन के भविष्य की निवेशक लोगन क तलाश क काम सौंपलस।

बाजार की हिस्सा और विमानी बेड़ा की मामला में ए विमान कम्पनी क विकास ओही समय में स्थापित इंडिगो और स्पाइस जेट जइसन विमान सेवा प्रदाता कम्पनीयन की तुलना में धीरे भइल।[4] ए पर कम्पनी क सफाई बा की, उ खाली बाज़ार हिस्सा आ विमानी बेड़ा बढ़वले की बजाय विमान सेवा खातिर भारत जैसन मुश्किल आ प्रतियोगी बाजार में लाभ बरकरार रखले प ज्यादा ध्यान लगवलस। इ विमान कम्पनी सन 2016 में शेयर पूंजी की जरिए सार्वजनिक पूंजी जुटवले की तैयारी में बा।[5][6] जून 2016 में इ कम्पनी आपन 20वां विमान क आपूर्ति लिहलस जवने की साथ इ विदेश खातिर विमान सेवा शुरू करे खातिर योग्य हो गईल।[7]

कॉर्पोरेट मामला[संपादन]

एकर मुख्य ऑफिस भारत की मुम्बई में आइल बा।[8] ए विमान कम्पनी क नवम्बर 2005 में शुरुआत से जहाँगीर वाडिया एकरी प्रबंध निदेशक की तौर प काम कईन। अप्रैल 2016 में वोल्फगैंग प्रोक-सेचुअर जवन की ए विमान कम्पनी क सीइओ रह न, ऊ साथ साथ प्रबंध निदेशक क कार्यभार संभल न।

वेशभूषा[संपादन]

गो एयर क विमान नीला और गुलाबी जइसन कई कलर से रंगल बा, साथ में पीछे की तरफ एकर लोगो बनल बा। 2011 में एकर कलर में भूरा रंग क इस्तेमाल क घोषणा कइल गईल।

गंतव्य[संपादन]

अगस्त 2016 ले, गो एयर भारत में प्रतिदिन 140 और हफ्ता क 975 उड़ान की साथ कुल 22 गंतव्य स्थान पर सेवा देत रहल ह। जून 2016 इ विदेश ले विमान सेवा संचालन खातिर योग्य बनल लेकिन अबले ए तरफ कौनो शुरूआत नइखे भइल।[9]

बेड़ा[संपादन]

गो एयर एयरबस ए320 विमानी बेड़ा क संचालन करेला। जून 2011 में, गो एयर 32,400 करोड़ रूपया क 72 गो ए320 नियो जहाज क ऑर्डर दिहलस जौने क आपूर्ति 2016 से शुरू होखे के रहल ह। गो एयर एकर पहिला ए320 नियो जहाज 1 जून 2016 के पवलस।

सेवा आ सुविधा[संपादन]

कम लागतवाला विमान सेवा होखले की नाते, गो एयर सेवा की दौरान पूरक भोजन उपलब्ध करवले की जगह एके खरीदले क विकल्प देला। इ विमान कम्पनी गो-गेटर नांव से एगो पत्रिका क प्रकाशन करेला जवन इ उड़ान की दौरान उपलब्ध करावेला। इ कम्पनी गो बिजनस नांव से प्रीमियम सेवा उपलब्ध करावेला जवने की तहत अधिक भाड़ा देके यात्री अधिक सुविधा प्राप्त क सकेला, जेमें बैठले की दौरान पैर रखे खातिर ज्यादा जगह, मुफ्त खाना, ज्यादा समान ले जईले क अनुमति, विमान में जगह दिहले में प्राथमिकता जइसन सुविधा शामिल बा। 2011 में, इ कम्पनी गो क्लब नांव से फ्रीक्वेंट फ्लायर कार्यक्रम शुरू कइलस, जेकरी तहत लोंज में प्रवेश, गो बिजनेस में अपग्रेड जइसन लाभ रहे। फरवरी 2014 में ए कार्यक्रम में नया सदस्यता बंद करा गईल।

संदर्भ[संपादन]

  1. "गो एयर: हमारे बारे में". गो एयर. पहुँचतिथी 15 अप्रैल 2016.
  2. "गोएयर के बारे में". क्लियरट्रिप.कॉम. पहुँचतिथी 6 September 2016.
  3. "गोएयर वाणिज्यिक उड़ानों शुरू होता है". द इकनोमिक टाइम्स. 4 November 2005. पहुँचतिथी 15 अप्रैल 2016.
  4. "व्हॉट कीप्स गो एयर अप इन द एयर". रेडिफ़. 4 June 2015. पहुँचतिथी 15 अप्रैल 2016.
  5. मिश्रा, ललाटेन्दु (3 मार्च 2013). "हम लागत के तहत नहीं बेचेंगे". द हिन्दू बिज़नस लाइन. चेन्नई , इंडिया. पहुँचतिथी 15 अप्रैल 2016.
  6. "छोटे रहने तक ग्राहक की जरूरत है, नहीं चाहता है: जेह वाडिया". टाइम्स ऑफ़ इंडिया. 16 फरवरी 2012. पहुँचतिथी 15 अप्रैल 2016.
  7. "बिजनेस स्टैंडर्ड - 72 NEO के लिए गोएयर के नए आदेश".
  8. "गोएयर: हमसे संपर्क करें". गोएयर. पहुँचतिथी 15 अप्रैल 2016.
  9. "गोएयर : गंतव्य स्थान". गोएयर. पहुँचतिथी 16 अप्रैल 2016.