कस्टमर केयर
कस्टमर केयर चाहे कस्टमर सर्विस (हिंदी: ग्राहक सेवा) कवनो कंपनी द्वारा ओह लोग के दिहल जाए वाला मदद आ सलाह हवे जे लोग ओकर कौनों प्रोडक्ट भा सेवा खरीदे भा इस्तेमाल करे ला। हर इंडस्ट्री खातिर अलग-अलग स्तर के कस्टमर केयर सर्विस के जरूरत होला, बाकी अंत में, बढ़िया परफार्मेंस वाली सर्विस के बिचार ई होला कि आमदनी बढ़े। कस्टमर केयर के बातचीत के सफलता के धारणा कर्मचारी लोग पर निर्भर होला "जे ग्राहक के व्यक्तित्व के अनुकूल खुद के समायोजित क सके लें"। कस्टमर केयर के सर्विस उपलब्ध करावे के काम अक्सर अइसन तरीका से कइल जाला जे कौनों फर्म के रणनीति आ मूल्य सभ के देखावे। आमतौर पर बढ़िया क्वालिटी के कस्टमर केयर के माप ग्राहक रिटेन के माध्यम से कइल जाला। कुछ फर्मन खातिर कस्टमर केयर फर्म के अमूर्त संपत्ति के हिस्सा ह आ एकरा के इंडस्ट्री के दोसरा फर्मन से अलग कर सकेला। एगो बढ़िया कस्टमर केयर सर्विस के अनुभव गाहक के संगठन के प्रति जवन धारणा होखे ओकरा के बदलियो सकेला।
कस्टमर केयर आ कस्टमर सर्विस में कुछ अंतरो बाटे। जहाँ कस्टमर सर्विस ग्राहक के पूछताछ, शिकायत, आ अनुरोध के निपटारा के प्रक्रिया हवे; एहमें प्रोडक्ट के जानकारी देबे से ले के समस्या के निवारण तक शामिल बा। कस्टमर केयर खाली बेहतरीन कस्टमर सर्विस देवे से बेसी बा; ई ई सुनिश्चित करे के बा कि राउर ग्राहक राउर कंपनी से होखे वाला हर बातचीत से खुश आ संतुष्ट होखसु। कस्टमर केयर, कस्टमर सर्विस के एगो सक्रिय तरीका ह। ग्राहकन के समस्या लेके कंपनी लगे आवे के इंतजार करे के बजाय, कंपनी सक्रिय रूप से ओह लोग से संपर्क करेनी ताकि पहिला बेर मुद्दवे ना पैदा होखे।