कभी कभी मेरे दिल में
| "कभी कभी मेरे दिल में" | |
|---|---|
| मुकेश आ लता मंगेशकर के गीत | |
| कभी कभी एल्बम से | |
| रिलीज तारीख | 1976 |
| रेकार्ड भइल | महबूब स्टूडियो, बांद्रा (वेस्ट), मुंबई, भारत |
| बिधा | फिल्मी गीत |
| लंबाई | 4:45 |
| लेबल | सारेगामा |
| गीत लेखक | साहिर लुधियानवी |
| प्रोड्यूसर | ख़य्याम |
कभी कभी मेरे दिल में 1976 में आइल आ यश चोपड़ा के डाइरेक्ट कइल फिलिम कभी कभी के एगो गाना हवे। ई एह फिलिम के टाइटिल गीत हवे जेकरा के साहिर लुधियानवी लिखलें आ मुकेश आ लता मंगेशकर द्वारा गावल गइल।[1][2]
गीत के रिकार्डिंग महबूब स्टूडियो में भइल, महबूब खान के स्टूडियो में जे एगो जानल-मानल प्रोड्यूसर-डाइरेक्टर रहलें, आ अभिन लें ई गीत अपने आप में एगो बेहतरीन रचना के रूप में अस्थापित बा। ई गीतकार आ संगीतकार दुनों लोगन के बेहतरीन कृति मानल जाला; दुनों लोग एकरा खातिर फिल्मफेयर अवार्ड पावल।[3][4]
गीत के बारे में[संपादन करीं]
गीत के साहिर लुधियानवी के बेहतरीन रचना आ मास्टरपीस मानल जाला। मूल गाना एगो साहित्यिक नज़्म रहे जे उर्दू में उनके काव्य संग्रह तल्खियाँ में छपल रहल। हालाँकि, फिलिम खातिर एह गाना के दुबारा लिखल गइल आ एह में आसान शब्द के इस्तेमाल कइल गइल।
गीत के संगीत देवे के काम ख़य्याम कइलें आ गीत के मुकेश द्वारा गावल गइल। ई गीत मूल रूप से चेतन आनंद के एगो 1950 के फिलिम खातिर बनावल गइल रहल जे कबो रिलीजे ना भइल। ओह फिलिम में एकरा के गीता दत्त आ सुधा मल्होत्रा के आवाज में रिकार्ड कइल गइल रहल।
म्यूजिक बीडियो[संपादन करीं]
गीत के बीडियो में अमिताभ बच्चन आ राखी बा लोग जिनहन लोगन पर ई काश्मीर में शूट कइल गइल रहल, जाड़ा के सीजन में।
वर्शन[संपादन करीं]
गीत के मूल वर्शन साहित्यिक रहे[5] आ एकरा के फिलिम खातिर बहुत बदल दिहल गइल। एकरा के अउरी आसान बनावल गइल आ बेसी भावनात्मक आ संगीतमय बनावल गइल।
|
मूल साहित्यिक वर्शन रहल: |
फिलिम वाला वर्शन हवे: |
अवार्ड[संपादन करीं]
- 1977: फ़िल्मफ़ेयर अवार्ड
- बेस्ट म्यूजिक: ख़य्याम
- बेस्ट गीतकार: साहिर लुधियानवी: "कभी कभी मेरे दिल में"
- बेस्ट प्लेबैक सिंगर: मुकेश: "कभी कभी मेरे दिल में"[6]
संदर्भ[संपादन करीं]
- ↑ Kabhi Kabhie Music Review Planet Bollywood.com.
- ↑ "Kabhi Kabhie songs".
- ↑ Sahir: A poet par excellence Archived 5 नवंबर 2012 at the Wayback Machine इंडियन एक्सप्रेस, 8 मार्च 2006.
- ↑ "PM meets musician Khayyam". द टाइम्स ऑफ़ इंडिया. नई दिल्ली. पीटीआइ. 7 जुलाई 2006. Archived from the original on 25 October 2012. Retrieved 2 जुलाई 2013.
- ↑ Talkhiyan, Sahir Ludhianvi, 1985, Hali Publishing House, Delhi
- ↑ 1977 Filmfare Awards IMDb