मार्शल दीप

विकिपीडिया से

निर्देशांक: 9°N 168°E / 9°N 168°E / 9; 168

रिपब्लिक ऑफ़ मार्शल आइलैंड्स
रिपब्लिक ऑफ़ मार्शल आइलैंड्स के लोकेशन
रिपब्लिक ऑफ़ मार्शल आइलैंड्स के लोकेशन
राजधानी
आ सभसे बड़ शहर
माजुरो[1]
7°7′N 171°4′E / 7.117°N 171.067°E / 7.117; 171.067
ऑफिशियल भाषा
रकबा
• कुल
181.43 किमी2 (70.05 वर्ग मील) (189th)
• जल (%)
n/a (negligible)
जनसंख्या
• 2016 अनुमान
53,066[2] (यूनाइटेड नेशंस) (203वाँ)
• 2011 जनगणना
53,158[3]
• Density
293.0/किमी2 (758.9/वर्ग मील) (28th)
जीडीपी (पीपीपी)2001 अनुमान
• कुल
$115 मिलियन (220th)
• प्रति ब्यक्ति
$2,900a (195वाँ)

मार्शल दीप (अंग्रेजी: Marshall Islands) चाहे आधिकारिक रूप से रिपब्लिक ऑफ़ मार्शल आइलैंड्स एगो दीपीय देस आ अमेरिका के एसोसियेट स्टेट बा जे प्रशांत महासागर में, इंटरनेशनल डेट लाइन के कुछ पच्छिम ओर, माइक्रोनेशिया के हिस्सा के रूप में स्थित बा। एह में कई गो दीप शामिल बाड़ें। ई सगरी दीप मूंगा से बनल दीप हवें आ 2011 के जनगणना के हिसाब से इहाँ के कुल जनसंख्या 53,158 रहल।

माइक्रोनेशिया के दीप सभ, दूसरी सहस्राब्दी ईसा पूर्व के समय से आबाद हवें। योरोपियन लोग द्वारा एह दीप सभ के खोज सोरहवीं सदी में कइल गइल। फर्डिनेंड मैगलेन एह दीप सभ के सभसे पहिले खोजले रहलें जे पुर्तगाली रहलें बाकी जतरा में स्पेन के ओर से रहलें। एह दीप सभ के नाँव ब्रिटिश खोजी जॉन मार्शल के नाँव पर रखल गइल हवे। यूरोपियन उपनिवेश सभ के समय में ई दीप स्पेन के कब्ज़ा में रहलें। ओह समय ई स्पेनी ईस्ट इंडीज के हिस्सा रहलें। बाद में, दूसरा बिस्व जुद्ध के बाद इहाँ अमेरिका के कंट्रोल अस्थापित भइल।

1982 में ई आजाद हो के, राष्ट्रपति सिस्टम वाला संप्रभु राज्य बनल जे अमेरिका के साथे स्वतंत्र एसोसियेट के रूप में जुड़ल बा। 1991 में एकरा के युनाइटेड नेशंस के सदस्यता मिल गइल।

इहाँ मार्शेलीज भाषा आ अंग्रेजी के आधिकारिक भाषा के दर्जा बा आ जादेतर निवासी लोग मूल मार्शेली बंस के हवे हालाँकि, कुछ जनसंख्या अमेरिकन, चीनी आ फिलिपाइन मूल के लोगन के भी बा। माजुरो इहाँ के राजधानी आ सभसे बड़ शहर बाटे।

संदर्भ[संपादन करीं]

  1. The largest cities in Marshall Islands, ranked by population Archived सितंबर 3, 2011 at the Wayback Machine. population.mongabay.com. Retrieved May 25, 2012.
  2. "World Population Prospects: The 2017 Revision". ESA.UN.org (custom data acquired via website). United Nations Department of Economic and Social Affairs, Population Division. Retrieved 10 September 2017.
  3. "Republic of the Marshall Islands 2011 Census Report" (PDF). Prism.spc.int. Retrieved August 22, 2017.