होंडुरास

Republic of Honduras
झंडा निशान
राजधानी आ सभसे बड़ शहर	तेगुसिगाल्पा 14°6′N 87°13′W
ऑफिशियल भाषा	होंडूरासी स्पेनी
रकबा
• कुल	112,492 किमी2 (43,433 वर्ग मील) (101st)
जनसंख्या
• 2016 अनुमान	9,112,867 (95वाँ)
• 2007 जनगणना	7,529,403
• Density	64/किमी2 (165.8/वर्ग मील) (128वाँ)
टाइम जोन	CST (यूटीसी−6)

होंडुरास मध्य अमेरिका में एगो देस बाटे। ई मध्य अमेरिकी थलजोड़ में मौजूद देस हवे जेकरे उत्तर में कैरेबियन सागर, दक्खिन में निकारागुआ आ पच्छिम में ग्वाटेमाला आ एल सल्वाडोर देस बाड़ें; एगो छोट खाड़ी (फोंसेका के खाड़ी) द्वारा ई पच्छिमी-दक्खिनी हिस्सा में प्रशांत महासागर से भी जुड़ल बाटे। पुराना समय में एकरा के स्पेनी होंडूरास कहल जाय जवना से कि एकरा के ब्रिटिश होंडूरास से अलगा बूझल जा सके हालाँकि, बाद में ब्रिटिश होंडूरास के नाँव बदल के बेलीज भ गइल। एकर सभसे लमहर समुंदरी किनारा देस के उत्तर में कैरेबियन सागर के साथे बनल बा।

ई इलाका पुराना समय में मेसोअमेरिकी संस्कृति सभ के लोग के इलाका रहल आ स्पेनी लोग सोरहवीं सदी में एह पर हमला क के अपना अधिकार में ले लिहल। अभिन भी इहाँ मेस्तिजो लोग के काफी जनसंख्या निवास करे ले। ऑफिशियल भाषा स्पेनिश भाषा बाटे जबकि मूल निवासी लोग आपन भाषा भी बोले ला।