साइबर हमला
साइबर हमला चाहे साइबर अटैक (अंग्रेजी: cyberattack) कंप्यूटर आ कंप्यूटर नेटवर्क सभ पर होखे वाला हमला हवे जेह में कंप्यूटर साधन के बिना अधिकार के इस्तेमाल करे के कोसिस कइल जाला जे छिपावल जानकारी के खुल्ला देखा देवे, जानकारी के बदल देवे, बरबाद क देवे, चोरा लेवे चाहे ओह जानकारी तक ले बिना अधिकार पहुँच हासिल करे खातिर होला।[1] कौनों साइबर अटैक एह किसिम के हमलावर कारवाई होला जे कंप्यूटर सिस्टम भा नेटवर्क के आपन टार्गेट बनावेला। एकर मकसद डेटा ले पहुँच हासिल कइल, कंप्यूटर के फंक्शन ले पहुँच हासिल कइल चाहे कौनों अइसन चीज पर पहुँच हासिल कइल होला जहाँ तक पहुँच होखे के प्रतिबंधित रखल गइल होखे। अटैकर भा हमलावर अइसन लोग होला जे एह खराब नीयत से अइसन काम के अंजाम देवे।[2] जवना किसिम के हमला होखे ओकरे आधार पर एह हमला सभ के साइबर हमला, साइबर चोरी, साइबर जुद्ध नियर कटेगरी में बर्गीकरण कइल जा सके ला। अइसन प्रोडक्ट जे अइसन साइबर हमला के सुबिधा उपजावें ले उनहन के साइबर हथियार (साइबर वेपन) कहल जाला।
संदर्भ
[संपादन करीं]- ↑ Standardization), ISO (International Organization for. "Publicly Available Standards". standards.iso.org.
- ↑ "ISTQB Standard glossary of terms used in Software Testing". Archived from the original on 2018-11-05.
 | ई कंप्यूटर-संबंधी लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |