व्लादिमीर पुतिन
| व्लादिमीर पुतिन Vladimir Putin (Владимир Путин) | |
|---|---|
_(cropped).jpg) | |
| रूस के 2सरा आ 4था राष्ट्रपति | |
पद पर मौजूद | |
| पदभार लिहल गइल 7 मई 2012 | |
| प्रधानमंत्री | विक्टर जुबकोव (कार्यबाहक) दिमित्री मेद्वेदेव |
| इनसे पहिले | दिमित्री मेद्वेदेव |
| कार्यकाल 7 मई 2000 – 7 मई 2008 कार्यबाहक राष्ट्रपति: 31 दिसंबर 1999 – 7 मई 2000 | |
| प्रधानमंत्री | मिखाइल कास्यानोव विक्टर ख्रिस्तेंकोव (कार्यबाहक) मिखाइल फ्रादकोव विक्टर जुबकोव |
| इनसे पहिले | बोरिस येल्तसिन |
| इनके बाद | दिमित्री मेद्वेदेव |
| 33वाँ आ 37वाँ परधानमंत्री | |
| कार्यकाल 8 मई 2008 – 7 मई 2012 | |
| राष्ट्रपति | दिमित्री मेद्वेदेव |
| इनसे पहिले | विक्टर जुबकोव |
| इनके बाद | दिमित्री मेद्वेदेव |
| अन्य पद | |
| पहिला डिप्टी, आल रसिया पीपल फ्रंट के नेता युनियन स्टेट के मंत्रिमंडल के चेयरमैन यूनाइटेड रूस के नेता रूस के पहिला उपपरधानमंत्री सिक्योरिटी काउंसिल के सेक्रेटरी फेडरल सिक्योरिटी सर्विसेज के डाइरेक्टर | |
| निजी जानकारी | |
| जनम | व्लादीमिर व्लादीमिरविच पुतिन 7 अक्टूबर 1952 लेनिनग्राद, रूसी एसएफएसआर, सोवियत यूनियन (अब सेंट पीटर्सबर्ग, रूस) |
| राष्ट्रीयता | रूसी |
| राजनीतिक पार्टी | आल रसिया पीपल्स फ्रंट (2011–अबतक) |
| अन्य राजनीतिक जुड़ाव | कम्युनिस्ट पार्टी (1975–91) आवर-होम रसिया (1995–99) यूनिटी (1999–2001) निर्दल (1991–95; 2001–08; 2012–वर्तमान) यूनाइटेड रसिया (2008–2012[1]) |
| जीवनसाथी | ल्युदमिला पुतिना (बि. 1983; तलाक 2014) |
| संतान | 2 |
| निवास | नोवो ओगार्योवो, मास्को, रूस |
| महतारी संस्था | लेनिनग्राद विश्वविद्यालय |
| सम्मान |  ऑर्डर ऑफ दि आनर |
| दस्खत |  |
| वेबसाइट | ऑफिशियल वेबसाइट |
| Military service | |
| Allegiance |  Soviet Union |
| Service/branch | केजीबी |
| Years of service | 1975–1991 |
| Rank |  लेफ्टिनेंट कर्नल |
व्लादिमीर पुतिन (रूसी: Влади́мир Влади́мирович Пу́тин; IPA: [vɫɐˈdʲimʲɪr vɫɐˈdʲimʲɪrəvʲɪtɕ ˈputʲɪn] (
सुनल जाय); जनम 7 अक्टूबर 1952) रूस के राजनीतिक नेता आ 7 मई 2012 से वर्तमान राष्ट्रपति बाड़ें; एह पद प ई एकरे पहिले भी 2000 से 2008 ले रहलें।[2][3][4] राष्ट्रपति के अलावा पुतिन रूस के परधानमंत्री के पद प भी एक बेर 1999 से 2000 ले आ दुसरा बेर 2008 से 2012 ले रहल बाड़ें।
सुरुआती जिनगी
[संपादन करीं]पुतिन के जनम 7 अक्टूबर 1952 के सोवियत यूनियन के रूसी एसएफएसआर के लेनिनग्राद शहर में भइल (जेकरा के अब सेंट पीटर्सबर्ग के नाँव से जानल जाला)। इनके बाबूजी के नाँव व्लादिमिर स्पिरिदोनोविच पुतिन आ महतारी के नाँव मारिया इवानोवा पुतिन (बियाह से पहिले शेलोमोवा) रहल। इनके बाबा स्पिरिदोन पुतिन व्लादिमीर लेनिन आ जोसेफ़ स्टालिन के निजी रसोइया रहलें। पुतिन के जनम तिसरहा लइका के रूप में भइल जबकि इनके बड़ भाई विक्टर के निधन शिशु अवस्था में भ गइल रहल आ अलबर्ट के निधन बालपन में डिप्थीरिया से भ गइल रहे जवना समय दुसरे बिस्व जुद्ध में नाजी जर्मनी द्वारा लेनिनग्राद के घेराबंदी भइल रहे।
पुतिन के महतारी कारखाना में काम करे वाली औरत रहली आ इनके बाबूजी सोवियत नेवी में काम करें जहाँ 1930 के दशक के सुरुआत में ऊ पनडुब्बी बेड़ा के हिस्सा रहलें। दुसरे बिस्व जुद्ध के सुरुआती दौर में ऊ एनकेवीडी नाँव के बिध्वंसक बटालियन के हिस्सा रहलें। बाद में उनके रेगुलर आर्मी में ट्रांसफर हो गइल आ 1942 में उनके गम्हीर चोट आइल। एही दौरान 1941 में पुतिन के नानी के तवेर क्षेत्र के जर्मन कब्ज़ा के दौरान निधन भ गइल आ इनके मामा लोग दुसरे बिस्व जुद्ध में पूरबी मोर्चा पर चल रहल लड़ाई में गायब हो गइल लोग।
1 सितंबर 1960 में पुतिन के पढ़ाई घर के नगीचहीं बास्कोव लेन के 193 नं. इस्कूल में शुरू भइल। पुतिन इस्कूल के कुछे अइसन लगभग 45 गो बिद्यार्थी लोगन में से एक रहलें जे यंग पायोनियर ग्रुप के हिस्सा ना रहल लोग। 12 बरिस के उमिर में पुतिन मार्शल आर्ट के साम्बो आ जूडो सीखे के सुरुआत कइलें। अपना खाली समय में ऊ कार्ल मार्क्स, फ्रेडरिक एंगेल्स आ लेनिन के साहित्य पढ़ें। पुतिन सेंट पीटर्सबर्ग के हाई इस्कूल 281 में जर्मन भाषा पढ़लें आ दुसरी भाषा के रूप में जर्मन भाषी बन गइलें।
लेनिनग्राद स्टेट यूनिवर्सिटी (अब सेंट पीटर्सबर्ग स्टेट यूनिवर्सिटी) से पुतिन कानून के पढ़ाई कइलें आ 1975 में इहाँ से ग्रेजुएट भइलें। एहीजे ऊ सोवियत यूनियन कम्युनिस्ट पार्टी के सदस्य बनलें आ 1991 में एकरे अंत ले एकर सदस्य बनल रहलें। एहिजे पुतिन के मुलाकात अनातोली सोबचाक से भइल जे ओह समय बिजनेस कानून के असिस्टेंट प्रोफेसर रहलें; दुनों लोगन के एक दुसरे पर परभाव पड़ल।
संदर्भ
[संपादन करीं]- ↑ "Vladimir Putin quits as head of Russia's ruling party". 24 April 2012 – via The Daily Telegraph.
- ↑ "Kremlin Biography of President Vladimir Putin". Retrieved 18 अक्टूबर 2016.
- ↑ "Vladimir Putin – President of Russia". European-Leaders.com. 22 मार्च 2017. Retrieved 22 मार्च 2017.
- ↑ "President Vladimir Putin on Biography.com". Retrieved 1 July 2016.
बाहरी कड़ी
[संपादन करीं]- व्लादिमीर पुतिन Archived 2018-01-28 at the Wayback Machine, बीबीसी हिंदी पर। (हिंदी में)
- कैसे बने व्लादिमीर पुतिन इतने ताकतवर?, रेडियो डायेचविले, जर्मनी। (हिंदी में)
 | ई जीवनी लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |