खासी भासा

खासी
Ka Ktien Khasi, ক ক্ত্যেন খসি
उच्चारण	/ka kt̪eːn kʰasi/
मूलभाषा बाटे	भारत, बांग्लादेश
क्षेत्र	मेघालय, असम
नृजातीयता	खासी जनजाति
मूल बोले वाला	1,037,964 (2011 कऽ जनगणना)
भाषा परिवार	ऑस्ट्रो-एशियाई Khasian Pnar–Khasi खासी
लिपि	Latin Bengali
भाषा कोड
ISO 639-2	kha
ISO 639-3	kha
Glottolog	khas1269
Khasi-speaking areas

खासी एगो ऑस्ट्रो एशियाई परिवार के एगो भासा हटे, जे भारत के मेघालय राज्य मे बोलल जाला। हेकर बोलवइया लोग असम आ बांग्लादेशो मे भेंटा जइहन। खासी एगो ऑस्ट्रो एशियाई परिवार के भासा हऽ आ दक्खिन पुरूब एशिया के ख्मेर, पलउँग, वियतनामी आ मोन भासा सभ ले हेकर संबंध बावे।

खासी भासा के सोरह लाख लोग भारत भ मे बोलेला। 2005 मे ई मेघालय के कोनो कोनो जिला के काम काज के भासा बनल रहे आ मई 2012 के बादि से यूनेस्को हेकरा ओराए के खतरा होखे वला भासा सभ के सूची मे से निकार दिहलस। एह भासा के भारत के संविधान के आठम अनूसुचि मे सामिल करे के माँग उठेला।

बोलनीहार

खासी बोलनीहार लोग बेसी मेघालय के खासी अउरी जैंतिया के परवतन प भेंटालें। असम आ बांग्लादेश मे कम मात्र मे एकर बोलनिहार लोग बा। 2005 से ई मेघालय के दोसरका राजभासा हटे।

खासी के लैटिन आ बंगाली मे लिखल जाला आ पढ़ावत बजी एह दुन्नों लिपियन के परजोग होखेला।