साधारण साल

साधारण साल, आम बरिस भा आम साल (Common year, कॉमन इयर) अइसन साल होला जेह में कवनो किसिम के अधिका दिन भा महीना ना जोड़ल गइल होखे। एकरे बिपरीत ग्रेगोरियन कैलेंडर के साल में हर चउथा साल फरवरी में एगो दिन अधिका जोड़ल जाला आ अइसन साल के अधिबरस भा लीप इयर कहल जाला। हिंदू कैलेंडर में भी, जे चंद्रमा के गति पर आधारित होला, हर तीसर साल एगो अधिका महीना जोड़ल जाला जेकरा के मलमास कहल जाला।