विटामिन डी

विकिपीडिया से
Jump to navigation Jump to search

विटामिन डी (अंगरेजी: Vitamin D) फैट (तेलउँस) में घुले वाला विटामिन हवे। एह में कई किसिम के सेकोस्टेरॉइड आवे लें जे मुख्य रूप से कैल्शियम, मैग्नीशियम आ फास्फेट सभ के आँत में सोखल जाए के काम में तेजी ले आवे लें आ इनहना के अउरी जीवी परभाव भी होला। मनुष्य में सभसे प्रमुख कंपाउंड सभ में विटामिन D3 (जेकरा कोलेकैल्सीफेरॉल कहल जाला) विटामिन D2 (एर्गोकैल्सीफेरॉल) होखे लें।

एह विटामिन के मुख्य प्राकृतिक सोर्स चमड़ा के अंदर सुरुज के रोशनी (घाम) में सरवते वाला प्रकृया होला जेकरा चलते कोलेकैल्सीफेरॉल के निर्माण होला। कोलेकैल्सीफेरॉल आ एर्गोकैल्सीफेरॉल दुनों के भोजन के साथे भी लिहल जा सके ला। बहुत कम्मे अइसन प्राकृतिक भोजन बाड़ें जिनहन में ई विटामिन भरपूर पावल जात होखे। कुछ चर्बी वाली मछरी सभ में एतना पावल जाला कि ओह से परभाव पड़े। कई देसन में गाई के दूध, या बनस्पति वाला दूध आ कुछ नाश्ता में लिहल जाए वाला अनाज सभ के बनावटी तरीका से विटामिन डी से फोर्टीफाई कइल जाला।