विकिपीडिया:अक्सर पूछल जाए वाला प्रश्न

विकिपीडिया से
(विकिपीडिया:FAQ से अनुप्रेषित)
Jump to navigation Jump to search

Facebook icon.svg फेसबुकTwitter.svg ट्विट्टर

इहाँ कुछ आम सवाल आ उन्हन के जवाब लिखल बाटे जेवन विकिपीडिया पर नया लोग अक्सर पूछेला, आपना सवाल खोजीं आ ओकर जवाब देखीं!

विकिपीडिया का हउवे ?[संपादन]

विकिपीडिया एगो मुक्त ज्ञानकोश हवे जेवन दुनिया भर की अइसन लाखन योगदानकर्ता लोगन द्वारा लिखल जाला जे लोग ज्ञान को बाँटे आ ज्ञान क प्रचार-प्रसार करे में विश्वास रक्खेला। विकिपीडिया की हर लेख आ सामग्री की पीछे लाखन लोगन क कठिन परिश्रम आ ज्ञान क योगदान बाटे। ए समय अंग्रेज़ी विकिपीडिया सबसे बड़हन आ विशाल ज्ञानकोश बाटे जेवना में ३५ लाख से भी अधिका लेख बाटें। हिन्दी विकिपीडिया पर लेख कुल क संख्या १ लाख से अधिका बाटे। विकिपीडिया परियोजना २० भारतीय भाषा सहित विश्व की २७९ से भी अधिक भाषन में उपलब्ध बाटे।

भोजपुरी वीकिपीडिया के शुरुआत 29 अप्रिल 2007 के भईल ओकरा बाद भोजपुरी मेँ लोग लेख लिखके डाले लगलन। भोजपुरी विकिपीडिया के चाल एकदमे धीरे बा काहे कि भोजपुरी मेँ लेख लिखे वालन लोग के कमी बा। आज भोजपुरी विकिपीडिया मेँ करीब 6,638 लेख बा। जेवन बहुत धीरे-धीरे बढ़ रहल बा।

विकि का हवे?[संपादन]

विकि सॉफ़्टवेयर वार्ड कुन्निगम द्वारा १९९४ में विकसित कइल गइल। तब ऊ विकिवेब सॉफ़्टवेयर विकसित कइ के एके २५ मार्च १९९५ के www.c2.com नामक वेबसाईट पर प्रस्तुत कइलें। ऊ खुदे एकरी खातिर "विकि" नाम सुझवलें। ऊ ई नाँव होनोलुलु द्वीप पर स्थित हवाईअड्डा की एगो कर्मचारी से सुनलें, जे उनके हवाईअड्डा की दुनों छोर की बिचा में चले वाली बस "विकिविकि चान्स आर टी ५२" की बारे बतवलस। विकि क अर्थ हवाईयन भाषा में तेज़ गति होला।

आमतौर पर इंटरनेट में कौनो वेबसाइट पर जानकारी देवे खातिर या सुरक्षित रक्खे खातिर हमनी के वेबसाइट की मालिक से अनुमति लेवे के पड़ेला बाकी विकि एगो अइसन सॉफ्टवेयर ह जेवन सभके कौनों भी सूचना/सामग्री के जोड़े, संशोधित करे आ फिर से हटावे क सुविधा उपलब्ध करावेला। काहें से कि कौनों विकि साफ़्टवेयर पर सूचना सामग्री डालल बहुते सरल काम बाटे आ एही कारण से ई आपसी सहयोग की जरिये इंटरनेट पर लेख लिखला क एगो सभसे निम्मन साधन बन गइल बा।

विकि आ विकिपीडिया एकही चीज हवे?[संपादन]

विकि आ विकिपीडिया एकही संस्था या नाँव ना हवे। विकि सॉफ्टवेयर आपसी सहयोग से लेखन खातिर एगो बहुत निम्मन साधन हवे आ एही वजह से विकिपीडिया नाँव क मुक्त ज्ञानकोश ए सॉफ्टवेयर क उपयोग करेला। विकिपीडिया ट खाली ऊ ढेर सारा वेबसाइट्स में से सबसे अधिक प्रसिद्ध आ विशाल वेबसाइट हवे जेवन विकि साफ़्टवेयर क प्रयोग करे ले। एही कारण कई लोग ई मान लेला कि विकि अउरी विकिपीडिया दुनों एक ही हवे बाकिर ई बात सही नइखे।

विकिपीडिया क इतिहास[संपादन]

विकिपीडिया इंटरनेट आधारित एक मुक्त ज्ञानकोष परियोजना ह। ई विकि के रुप मेँ बा, यानी एगो अईसन जाल पृष्ठ जे सभन के संपादन करे के छूट देवेला। विकिपीडिया शब्द विकि अउर इनसाइक्लोपीडिया (ज्ञानकोष) शब्दन के मिला के बनल बा। विकिपीडिया एक बहुभाषीय प्रकल्प ह, अउर स्वयंसेवकन के सहकार से निर्मित बा, जेहु के भी इंटरनेट तक पहुँच बा ऊ विकिपीडिया पर लिख सकत बा अउर लेखन के संपादन कर सकत बा। विकिपीडिया के मुख्य सर्वर टैम्पा, फ्लोरीडा में बा, अतिरिक्त सर्वर एम्सटर्डम अउर सियोल में बा।

निपुण लोगन द्वारा बनावल गईल ज्ञानकोष न्यूपीडिया के पूरक के रूप में २९ जनवरी, २००१ मेँ ई का शुरुआत भईल। अब ई विकिमीडिया फाउन्डेशन द्वारा संचालित बा जे एक गैर-लाभकारी संस्था ह। 2006 के मध्य में ई मेँ 46 लाख से भी ज्यादा लेख रहल, खाली अंग्रेज़ी भाषा में ही 12 लाख से भी ज्यादा लेख रहल। ई 200 से भी ज्यादा भषवन में बा, जे मेँ से 15 भषवन में 50 हज़ार से भी ज्यादा लेख बा। जर्मन भाषा के विकिपीडिया के डीवीडी में भी वितरित करल गईल बा। विकिपीडिया के संस्थापक जिमी वेल्स के शब्दन में ई "विश्व के प्रत्येक व्यक्ति के खातिर, उनकर आपन भाषा में एक बहुभाषीय, मुक्त, सबसे अधिक मुमकिन गुणवत्ता वाला विश्वकोश बनावे आ वितरित करे के एगो प्रयत्न ह।"

हालांकि विकिपीडिया क विश्वस्तता आ सत्यता पर विवाद भी होखत बा। वेबसाईट पर आसानी तथा बर्बरता के साथ संपादन करे के क्षमता, असमान गुणवत्ता आ कईयन भषवन में तथ्य के परोक्ष लोकप्रियता के प्राथमिकता इत्यादि क ढ़ेरे आलोचना भईल बा। तबो ई के मुक्त वितरण, निरंतर आ काफी संख्या में बदलाव, विभिन्न क्षेत्रन आ भषवन के समावेश से इ के इंटरनेट पर विश्व के सबसे अधिक लोकप्रिय निर्देशिका संसाधन में से एगो बना दिहल बा।

विकिपीडिया के खातिर धन के व्यवस्था विकिमीडीया फाउन्डेशन के ज़रिये होखेला। वर्ष 2005 के चौथा तिमाही में इ के जरुरत 3,21,000 अमरीकन डॉलर रहल, जे में 60% हार्डवेयर के खातिर आवश्यक रहल।

विकिपीडिया के मई 2004 में दुगो प्रमुख सम्मान मिलल: पहिला प्रिक्स आर्स इलेक्ट्रोनिका द्वारा गोल्डन नीसा फार डिजीटल कम्युनीटीज़; दुसरा कमुनिटी क्षेत्र में जजवन द्वारा वेबी सम्मान। साथे ही विकिपीडिया के कईगो स्रोतन से प्रशंसा भी मिलल बा, जे में प्रमुख ब: बीबीसी न्युज़, वाशिंगटन पोस्ट, द इकोनॉमिस्ट, न्यूज़ वीक, टाइम मैगज़ीनरीइडर-डाइजेस्ट। टाइम मैगज़ीनवा विकिपीडिया के संस्थापक जिमी वेल्स के वर्ष 2006 के विश्व के 100 सबसे प्रभावशाली व्यक्तियन में से एगो बतावल। विकिपीडिया के अब 6 अरब से ज़्यादा लेख बा 250 भाषा में।

भोजपुरी वीकिपीडिया के शुरुआत 2003 के भईल ओकरा बाद भोजपुरी मेँ लोग लेख लिखके डाले लगलन। भोजपुरी विकिपीडिया के चाल एकदमे धीरे बा काहे कि भोजपुरी मेँ लेख लिखे वालन लोग के कमी बा। आज भोजपुरी विकिपीडिया मेँ करीब 6,638 लेख बा। जेवन बहुत धीरे-धीरे बढ़ रहल बा।