रिफ्लेक्शन नेबुला

विकिपीडिया से
आइसी 2118 (IC2118), जेकरा के विच हेड नेबुला (दुष्ट जादूगरनी के मूँड़ी) कहल जाला, लगभग 900 प्रकाशबरिस के दूरी पर एगो रिफ्लेक्शन नेबुला बा। ई ओरायन नक्षत्र मंडल के रिगेल नाँव के तारा के रोशनी के रिफ्लेक्ट करे ले।

खगोलशास्त्र में रिफ्लेक्शन नेबुला (अंग्रेजी: Reflection nebula) नेबुला सभ के एगो परकार हवे; ई अंतरिक्ष में अइसन इंटरस्टेलर डस्ट (तारा सभ के बीचा के धूर) के बदरी सभ होखे लीं जे आसपास के कौनों तारा (चाहे कई गो तारा सभ) के रोशनी के रिफ्लेक्ट करे लीं आ इहे रिफ्लेक्शन उजास के रूप में देखलाई देला। रिफ्लेक्ट करे के मतलब कि तारा के रोशनी एह तारा सभ के बीचा के धूर से टकरा के पृथिवी के ओर लवटे ला आ इहे हमनी के दूरबीन चाहे खाली आँख देखलाई पड़े ला। इहे कारन हवे की अइसन रिफ्लेक्शन नेबुला सभ से आवे वाला रोशनी के स्पेक्ट्रम ओह तारा सभ के रोशनी के स्पेक्ट्रम पर निर्भर होखे ला जिनहन के रोशनी ई नेबुला रिफ्लेक्ट क रहल होखे लीं।