राफ्टिंग

भोजपुरी विकिपीडिया से
इहाँ जाईं: नेविगेशन, खोजीं
Rafting in Himachal Pradesh, India
Whitewater Rafting along the Cagayan de Oro River, Philippines.
Rafting in Ladakh, India

कैंपिंग एवं ट्रेकिंग की जैसे राफ्टिंग  एगो रोमांचकारी गतिविधि ह। ऊँचा-नीचा लहरन से एगो छोट सी नाव में जूझले क भी एगो अलग अनुभव ह।  मनोरंजन के साथ-साथ इ हमनी के साहसी एवं जूझारु भी बनावेला। एकरी अलावा एक साथ काम कइले की कारण आपस में सहयोग क भावना भी बढ़ेला। बड़-बड़ लहर जब वेग की साथ व्यक्ति की तरफ आवेली स, त कुछ क्षण खातिर उ सब कुछ भूला जाला। ओके केवल परस्पर सहयोग से ए लहरन के जीतले की इच्छा होला। यात्रा पूरा कइले प ओ जीत क जवन खुशी होला, ओकर वर्णन शब्दन में कइल करीब करीब असम्भव ही बा।[१]

राफ्टिंग आ व्हाइटवाटर राफ्टिंग एगो आउटडोर मनोरंजक गतिविधि ह जेमें एगो हवा वाला बेड़ा की उपयोग से नदी या पानी के अन्य जगहन प नेविगेट कइल जाला। इ अक्सर कौनों न कौनों तरह की साफ़ पानी क या फेर उथला पानी के विभिन्न डिग्री पर कइल जाला और आम तौर पर भाग लेवे वालन खातिर एगो नया और चुनौतीपूर्ण वातावरण का प्रतिनिधित्व करेला। जोखिम से निपटले और टीम वर्क क जरूरत ए अनुभव (राफ्टिंग) का एगो महत्वपूर्ण हिस्सा ह। एगो अवकाश खेल की रूप में ए गतिविधि क विकास के 1970 की मध्य में लोकप्रिय भइल रहे। एके एगो जोखिम से भरल खेल की रूप में जानल जाला एवं इ काफी खतरनाको हो सकेला। अंतरराष्ट्रीय राफ्टिंग संघ, जेके आईआरएफ की नांव से दुनिया भर में जानल जाला उ इ खेल की सब पहलु क देखरेख करेला।[२]

वाइट वाटर क प्रकार[संपादन]

Rafting on the Pacuare River, Costa Rica.

निम्नलिखित 6 स्तर क बाधा का सामना वाइट वाटर राफ्टिंग में करे के पड़ेला, एकर अन्य नांव इंटरनेशनल स्केल ऑफ़ रिवर डिफीकल्टी भी ह, इ सामान्य से, बहुत खतरनाक और संभवित मौत क खतरा या फिर गंभीर चोट लगले ले होला।

  • क्लास 1 : बहुत छोट खुरदुरा क्षेत्र, एमे कुशलता क जरुरत हो सकेला। (कौशल क स्तर: बहुत ही बुनियादी)
  • क्लास 2: थोडा उथला पानी, पत्थर हो सकेला, एमे कुशलता की जरुरत पड़ सकेला।
  • क्लास 3: छोटा लहर, बहुत ख़ास खतरा नाहीं, एइजा थोड़ा ज्यादा कुशलता क जरुरत रही ।
  • क्लास 4: व्हाइटवॉटर, मध्यम तरंग, कुछ चट्टान, तीक्ष्ण कुशलता क जरुरत।
  • क्लास 5: व्हाइटवॉटर, बड़ तरंग, बड़ क्षेत्र, सटीक कुशलता क जरुरत।
  • क्लास 6: काफी खतरनाक और एमें राफ्टर के पर्याप्त व्हाइटवॉटर, बड़ तरंग, बड़ चट्टान का सामना करे के पड़ेला।

तकनीक[संपादन]

व्हाइट वाटर राफ्टिंग डोंगियों चाहें कायाक से काफी अलग ह एमें बहुते कुशलता एवं विशेषता क जरुरत होला ताकि पानी में आवे वाली कठिनाइयन के दूर कइल जा सके। एमें कुछ विशिष्ट तकनीक इस्तेमाल कइल जाला, ए कुल तकनीक की उदाहरण में शामिल बा,

  • पंचिंग
  • उच्च साइडिंग
  • लो साइडिंग

सुरक्षा[संपादन]

व्हाइटवॉटर राफ्टिंग एगो खतरनाक खेल बन सकेला अगर एमें मुलभुत सुरक्षा तकनीकन क अनदेखी कइल गईल होखे। हालांकि पेशेवर एवं निजी राफ्टिंग में दुर्घटना काफी कम देखल गईल बा जवने क एक वजह बहुत सारा घटना क रिपोर्टिंग न होखल ह,  एही से दुर्घटना दर काफी कम समझल जाला।[३] अत: इ जरुरी ह की राफ्टिंग कइले से पहिले आप अपनी संचालक की साथ सुरक्षा व्यवस्था का जायजा ले लीं। हालाँकि अब ए खेल में विशेषज्ञता बढ़ल बा एवं विशिष्ट उपकारणन की प्रयोग की चलते दुर्घटना क सम्भावना घटल बा।[४]

संदर्भ[संपादन]

  1. Hunter, Roy (July 2, 2007); "An analysis of whitewater rafting safety data: risk management for programme organizers"; Journal of Adventure Education and Outdoor Learning 7 (1): 21–35; doi:10.1080/14729670701349624; पहुँचतिथी Nov 18, 2014. 
  2. http://www.internationalrafting.com/
  3. Fiore, David C. (2003); "Injuries associated with whitewater rafting and kayaking"; Wilderness & environmental medicine 14 (4): 255–260; doi:10.1580/1080-6032(2003)14[255:IAWWRA]2.0.CO;2; पहुँचतिथी 2014-03-11. 
  4. Grand Canyon Rafting Trips

बाहरी कड़ियाँ[संपादन]