मिया खलीफा
मिया खलीफा | |
|---|---|
مِيَا خَلِيفَة | |
.jpg) 2019 मे मिया खलीफा | |
| Other names | मीया कलिस्ता |
| Occupations | मीडिया हस्ती, वेबकैम मॉडल, असलील अभिनेत्री |
| Years active | 2014–अबहिन ले |
| Height | 5 फीट 2 इंच (1.57 मी) |
| Spouses | undisclosed (बि. 2011; तला. 2016) Robert Sandberg (बि. 2020) |
| Website | twitter.com/miakhalifa |
मिया खलीफ़ा[नोट 1] (अरबी: ميا خليفة ar; born 1993[1]) लेबनानी–अमेरिकी मीडिया हस्ती आ पहिले के पोर्न फिलिम एक्ट्रेस हई। 2014 के आखिरी महीना में ऊ चर्चा में अइली, जब पोर्न के एगो सीन में ऊ हिजाब पहिनले देखलाई दिहली; एही विवादित सीन के कारण ऊ दुनिया भर में तेजी से चर्चा में चढ़ गइली— आ एहसे ऊ पोर्नहब पर सबसे बेसी सर्च कइल वाली कलाकार बन गइली, जेकरा में पॉपुलरिटी आ बिरोध–दुन्नो सामिल रहल।
एडल्ट फिलिम इंडस्ट्री में सिरिफ तीन महीना काम करे के बावजूद, मिया खलीफ़ा के 2015 में पोर्नहब पर “नंबर 1 पोर्न स्टार” खातिर वोट मिलल। जनवरी 2017 में एक्सहैमस्टर (xHamster) बतवलस कि 2016 में ऊ सबसे बेसी सर्च कइल जाये वाली एडल्ट एक्ट्रेस रहली। 2018 में ऊ फेर से पोर्नहब सबसे बेसी सर्च कइल जाये वाली एडल्ट एक्ट्रेस बन गइली।
एडल्ट इंडस्ट्री छोड़े के बाद, मिया खलीफ़ा वेबकैम मॉडल, ऑनली फैन्स (OnlyFans) क्रिएटर, आ स्पोर्ट्स कमेंटेटर के रूप में काम कइली। 2023 में ऊ आपन खुद के गहना (jewelry) ब्रांड शुरू कइली।
मिया खलीफ़ा सेक्स–वर्कर के अधिकार खातिर आवाज़ उठावल कइली। ऊ इसराइल के पक्ष में अमेरिका द्वारा देहल मलेत्टरी सपोर्ट के आलोचना कइली, खास कर के इसराइली अपार्थाइड (apartheid) के संदर्भ में। ए वजह से कुछ टिप्पणीकार आ पुरान नियोक्ता लोग से ऊ विरोधो झेलली।
सुरुआती जिनगी
[संपादन करीं]मिया खलीफा के जनम लेबनान देस के बैरूत में भइल आ[1] ऊ खुद के कहनामुसार कैथोलिक परंपरा वाला “बहुत रूढ़िवादी” माहौल में बचपन बितवली।[2] ऊ बैरूत में एगो फ्रेंच–भाषा वाला निजी स्कूल में पढ़ली, जहाँ अंग्रेजीयो भाषा सिखली। दक्षिण लेबनान संघर्ष के चलते[2] उनकर परिवार अपना मूल लेबनानी घर छोड़ के 2001 में अमेरिका में आ के बस गइल।[3]
अमेरिका आवे के बाद उनकर परिवार मॉन्टगोमरी काउंटी, मैरीलैंड में रहल,[2][3] आ मिया हाई स्कूल में लैक्रॉस खेलत रहली।[4] ऊ कहेली कि स्कूल में उनका साथे बहेस–मजाक आ “सबसे करिया आ अजीब लड़की” समझ के तंग करे वाली हरकत होखे, आ 11 सितंबर हमला के बाद ई चीज अउर तेज हो गइल।[2]
मिया खलीफा मासनटन मिलिट्री अकैडमी में पढ़ली, आ बाद में यूनिवर्सिटी ऑफ टेक्सास एट एल पासो से इतिहास में बैचलर ऑफ आर्ट्स (बीए) के डिग्री हासिल कइली।[2][5] ऊ एह दौर में अपना खर्चा चलावे खातिर बारटेंडर, मॉडल, आ एगो लोकल स्पेनिश–भाषा वाला डील ऑर नो डील जइसन गेम शो में “ब्रीफ़केस गर्ल” का रूप में काम कइली।[2]
निजी जिनगी
[संपादन करीं]मिया खलीफा फरवरी 2011 में अपना हाई स्कूल के समय के बॉयफ्रेंड से शादी कइली। ऊ लोग 2014 में अलग हो गइल, आ 2016 में तलाको भ गइल। 2019 में मिया स्वीडन के प्रोफेशनल शेफ रॉबर्ट सैंडबर्ग से शादी कइली, बाकिर ई रिश्ता 2020 में टूट गइल। 2021 से 2022 तक मिया प्यूर्टो रिको के रैपर आ गवैया जेह्को (Jhayco) के साथे रिलेशन में रहली।
मिया खलीफा बतावे ली कि उनकरा माता–पिता उनकर एडल्ट फिल्म से जुड़ल काम के चलते उनसे बातचीत छोड़ दिहल लोग। कुछ अरब मीडिया संस्थान 2015 में उनकर परिवार द्वारा जारी कइल बयान पब्लिश कइलन, जेहमें मिया के पोर्नोग्राफी में शामिल होखे के निंदा कइल गइल रहे।
अगस्त 2021 में मिया खलीफा ओह चश्मा के नीलामी कइली, जे ऊ कई एडल्ट फिल्म में पहिरले रहली, आ एकरा से मिलल धनराशि '2020 बैरूत विस्फोट' के पीड़ित लोग खातिर दान कइ देहली।
नोट
[संपादन करीं]- ↑ Pronounced /ˈmiːə kəˈliːfə/ MEE-ə kə-LEE-fə.
संदर्भ
[संपादन करीं]- 1 2 Smith-Spark, Laura; Alhenawi, Roba (January 8, 2015). "Songs and Death Threats for Lebanese American Porn Star Mia Khalifa". CNN. Archived from the original on June 29, 2021. Retrieved June 19, 2021.
- 1 2 3 4 5 6 Bella, Timothy (April 9, 2018). "You Don't Know Mia Khalifa". Playboy. Archived from the original on June 24, 2018.
- 1 2 Jones-Cooper, Brittany; Cosgrove, Jacquie (October 14, 2021). "'I Was Naive': Mia Khalifa on Life After Adult Films and Reclaiming Her Power with OnlyFans". Yahoo Life. Archived from the original on October 15, 2021. Retrieved October 15, 2021.
- ↑ Steinberg, Dan (July 13, 2016). "A Former Porn Star Has Become One of D.C.'s Loudest Sports Fans on Social Media". The Washington Post. Archived from the original on July 13, 2016. Retrieved July 13, 2016.
- ↑ Wofford, Taylor (January 6, 2015). "Meet Mia Khalifa, the Lebanese Porn Star Who Sparked a National Controversy". Newsweek. Archived from the original on January 6, 2015. Retrieved January 7, 2015.
 | ई लेख कौनों एक्टर/एक्ट्रेस के बारे में एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |