ब्रूस विलिस

विकिपीडिया से
ब्रूस विलिस
2018 में विलिस
जनमवाल्टर ब्रूस विलिस
(1955-03-19) मार्च 19, 1955 (उमिर 68)
Idar-Oberstein, Rhineland-Palatinate, पच्छिमी जर्मनी
निवासलॉस एंजेलिस
राष्ट्रीयताअमेरिकी
महतारी संस्थामोंटक्लेयर स्टेट युनिवर्सिटी
पेशाएक्टर, प्रोड्यूसर, सिंगर
सक्रियता साल1979–अबतक
मूल शहरपेन ग्रूव्ज, न्यू जर्सी, अमेरिका
जीवनसाथी
डेमी मूर
(बि. 1987; तला. 2000)

एमा हेमिंग
(बि. 2009)
संतान5 जेह में रुमर विलिस सामिल बाड़ें

वाल्टर ब्रूस विलिस (Walter Bruce Willis; जनम 19 मार्च 1955) एगो अमेरिकी एक्टर, प्रोड्यूसर, आ गायक बाड़ें। विलिस जर्मन महतारी आ अमेरिकी पिता के संतान हवें जिनके जनम जर्मनी में भइल आ 1957 में इनके परिवार अमेरिका आ गइल। इनके कैरियर के सुरुआत ऑफ़-ब्राडवे स्टेज से 1970 के दशक में सुरू भइल।[1] एकरे बाद इनके पहिचान आ परसिद्धि मिलल एगो हिट धारावाहिक मूनलाइटिंग (1985–89) में मुख्य किरदार निभावे से। एकरे बाद ई कई गो फिलिम सभ में अइलें आ इनका के एगो "एक्शन हीरो" मानल जाला[2][3][4] एकर कारन इनके डाइ हार्ड फ्रेंचाइज (1988–2013) में जॉन मक्क्लेन के रोल आ अउरी कई फिलिम सभ में अइसने रोल कइल मानल जा सके ला।

इनके एक्टिंग वाली अउरी फिलिम सभ में डेथ बिकम्स हर (1992), पल्प फिक्शन (1994), 12 मंकीज (1995), दि फिफ्थ एलिमेंट (1997), आर्मागेडॉन (1998), दि सिक्स्थ सेन्स (1999), अनब्रेकेबल (2000), सिन सिटी (2005), रेड (2010), मूनराइज किंगडम, दि ऍक्सपैंडेबल्स 2, आ लूपर (2012) बाड़ी सऽ। ब्राडवे में ई माइजरी नाँव के उपन्यास के एडाप्टेशन से आपन शुरूआत कइलें।

एगो संगीतकार के रूप में, दि रिटर्न ऑफ़ ब्रूनो नाँव के एल्बम, 1987 में रिलीज कइलें। एकरे बाद से ई दू गो अउरी सोलो एल्बम 1989 आ 2001 में निकाल चुकल बाड़ें।

विलिस के कई गो पुरस्कार आ सम्मान मिलल बाने जेह में से प्रमुख बाड़ें: गोल्डन ग्लोब अवार्ड, दू गो प्राइमटाइम एमी एवार्ड, आ दू गो पीपल्स च्वाइस अवार्ड। साल 2006 में ई हॉलीवुड वाक ऑफ़ फेम में एगो स्टार रिसीव कइने।

इहो देखल जाय[संपादन करीं]

संदर्भ[संपादन करीं]

  1. "In Bed With Bruce Willis (on Broadway)". न्यू यॉर्क टाइम्स. September 10, 2015. Retrieved September 12, 2018.
  2. "12 Most Unlikely Action Movie Stars". Rolling Stone. July 30, 2014. Retrieved September 12, 2018.
  3. "Bruce Willis Movies: 9 Reasons Why a 57 Year Old Man is Still Our Favorite Action Hero". Mic (media company). November 14, 2012. Retrieved September 12, 2018.[मुर्दा कड़ी]
  4. "Ford and Willis voted best action heroes". The Daily Telegraph. May 4, 2008. Retrieved September 12, 2018.