बाब रामचंद्र

बाबा रामचंद्र (1864/1875–1950) एगो भारतीय मजदूर नेता रहलें जे भारत अवध इलाका के किसान लोगन के एकजुट कके 1920 अउर 1930 के दशक में जमींदार लोगन के शोषण के खिलाफ लड़ाई करे खातिर तैयार कइलें। ऊ फिजी के इतिहास में भी एगो प्रभावशाली व्यक्ति रहलें। फिजी में बारह साल तक गिरमिटिया मजदूर के रूप में बितावल समय अउर गिरमिट प्रथा खतम करे के प्रयास उनका के शोषित लोग के पक्ष लेवे खातिर प्रेरणा दिहलस। ऊ कमला कांत त्रिपाठी के इतिहास पर आधारित उपन्यास "बेदखल" के मुख्य पात्र में से एक हउअन।