फैन बिंगबिंग

फैन बिंगबिंग (चीनी: 范冰冰, जनम 16 सितंबर 1981) एगो चीनी अभिनेत्री बाड़ी। साल 2013 से 2017 ले इनके फोर्ब्स चाइना सेलिब्रिटी 100 लिस्ट में सभसे ढेर वेतन पावे वाली सेलिब्रिटी के रूप में सामिल कइल गइल काहें से कि ऊ 2006 के बाद से हर साल टॉप 10 में रैंकिंग कइली। 2017 में टाइम पत्रिका के 100 सभसे परभावशाली लोग के लिस्ट में इनके नाँव आइल।

फैन के सुरुआती काम पूर्वी एशियाई सिनेमा आ टेलीविजन में भइल, खासतौर पर ड्रामा सीरीज माई फेयर प्रिंसेस (1998–1999) में आइल। इनके सफलता फिलिम सेल फोन (2003) से मिलल जे चीन के एह साल के सभसे ढेर कमाई करे वाली फिलिम रहल। आगे चल के ऊ कई गो चीनी फिलिम सभ में अभिनय कइली जिनहन में लॉस्ट इन बीजिंग (2007), बुद्ध माउंटेन (2011) आ डबल एक्सपोजर (2012) सामिल बाड़ें। फिलिम आई एम नॉट मैडम बोवरी (2016) के हेडलाइनिंग खातिर फैन के गोल्डन हॉर्स फिल्म फेस्टिवल, टोक्यो इंटरनेशनल फिल्म फेस्टिवल, सैन सेबस्टियन इंटरनेशनल फिल्म फेस्टिवल आ गोल्डन रुस्टर अवार्ड से अवार्ड मिलल। इनके बिदेसी फिलिम के भूमिका में फ्रांसीसी फिलिम स्ट्रेच (2011), कोरियाई फिलिम माई वे (2011), अमेरिकी सुपरहीरो फिलिम एक्स-मेन: डेज ऑफ फ्यूचर पास्ट (2014) आ हांगकांग-चीनी-अमेरिकी फिलिम स्किप्ट्रेस (2015) सामिल बाड़ें। .