फिरंगी

फिरंगी 2017 में आयल एक ठे भारत क एक्शन-कॉमेडी फिलिम हऽ। एकर निर्देशक राजीव धिंगरा हउअँ। ए फिलिम में हीरो आऊर हीरोइन कपिल शर्मा (जे कि निर्माता भी हउअँ), इशिता दत्ता आऊर मोनिका गिल हईं। इ फिलिम क शूटिंग पंजाब और राजस्थान में खासतौर से भयल। 2017 में एके रिलीज करल गयल रहे।

कहानी

मंगा (कपिल शर्मा) एक ठे जवान लइका रहेला, जवन कि बिना पढ़ल-लिखल आऊर बिना नौकरी क रहेला। उ पुलिस बने क सपना देखत रहेला लेकिन बन ना पावेला। मंगा अपने दोस्त हेरा (इनाममुल्क) के बियाह में सरगी (इशिता दत्ता) से मिलेला और दुन्नो में प्यार हो जाला। लेकिन नौकरी ना भईला से मंगा और सरगी क रिश्ता ना हो पावेला।

बचपने से मंगा केहू के पीठ क दर्द अपने एक किक से ठीक कऽय दे। एक दिन उ एक ठे अंग्रेज अफसर के पीठ क दर्द एही तरे ठीक करेला। ए बात से खुश होके अफसर मंगा के पुलिस क नौकरी दे देला। नौकरी पाय के मंगा सरगी से शादी करे बदे ओकरे घरे जाला। लेकिन महात्मा गांधी क अनुयायी सरगी क दादा लालाजी (अंजन श्रीवास्तव) ए शादी के मना कय देनऽ काहे की मंगा अंग्रेजन खातिर काम करेला आऊर लालाजी आजादी खातिर लड़त रहेन।