प्लेट टेक्टॉनिक्सभूगोल आ भूगर्भ बिग्यान से जुड़ल एगो कॉन्सेप्ट बाटे जेवना में पृथिवी पर होखे वाला टेक्टॉनिक एक्टिविटी, मने कि हलचल, से संबंधित अध्ययन कइल जाला। पृथिवी के अंदरूनी बनावट के अध्ययन से ई पता चले ला कि एकरे मैंटल में उपरी हिस्सा में एगो अइसन परत पावल जाले जे आधा-पघिलल परत के नियर बा आ ई एस्थेनोस्फीयर कहाला। एही एस्थेनोस्फीयर के ऊपर के परत, जेह में पृथिवी के क्रस्ट आ मैंटल दुनों के कुछ हिस्सा (औसतन 100 किमी मोटाई वाला) शामिल बा, लिथॉस्फीयर (थलमंडल) कहाला जे कई बिसाल टुकड़न में बँटल बाटे। एही टुकड़ा सभ के प्लेट कहल जाला आ इनहने के गति के अध्ययन प्लेट टेक्टॉनिक्स हवे।
