पीलू मोदी
पीलू मोदी (14 नवंबर 1926 – 29 जनवरी 1983) एक ठो भारतीय आर्किटेक्ट आ राजनेता रहलें आ स्वतंत्र पार्टी के संस्थापक सदस्य रहलें। संसद में चउथे आ पाँचवें लोक सभा चुनाव में जीत के सांसद के रूप में रहलें आ एकरे बाद 1978 से अपने निधन तक ले राज्य सभा के सांसद रहलें। पीलू मोदी के उनके व्यंग आ खुशमिजाज व्यक्तित्व के कारण याद कइल जाला।[1][2][3]
जीवन
[संपादन करीं]पीलू मोदी के जनम एक ठो पारसी परिवार में होमी मोदी के घरे भइल। उनके पढ़ाई दून स्कूल, देहरादून में भइल,[4][5] आ आगे कैलिफोर्निया बिस्वबिद्यालय भइल जहाँ से ऊ आर्किटेक्चर बिसय में मास्टर डिग्री लिहलें। जुल्फिकार अली भुट्टो, जे बाद में पाकिस्तान के परधान मंत्री बनले, कॉलेज के जमाना में पीलू मोदी के दोस्त रहलें।
राजनीति में मोदी, उदारवाद आ स्वतंत्रता के बिचारधारा के समर्थक रहलें। 1967 के लोक सभा चुनाव में गुजरात के गोधरा सीट से जीत के ऊ चउथी लोक सभा में सांसद बनलें। 1971 में ऊ दुबारा चुनल गइलेन आ मार्च 1977 ले लोक सभा में सांसद रहलें। इमरजेंसी के दौरान, मोदी के जेल में बंद कइल गइल रहल।[6]
एक साल के गैप के बाद 10 अप्रैल 1978 के मोदी राज्य सभा में सांसद के रूप में अइलें आ 1983 में अपना निधन तक ले इहाँ सांसद रहलें।
मोदी के बियाह उनके एक ठो अमेरिकी मित्र, लेविन कोलगन मोदी, जे उनके कॉलेज में साथ रहली, के साथ भइल रहल।[7] पीलू मोदी कॉलेज ऑफ आर्किटेक्चर, कटक, उड़ीसा, आ फिडे (FIDE) शतरंज प्रतियोगिता के नाँव उनके सम्मान में रखल गइल बा।
पीलू मोदी के भाई रूसी मोदी टाटा आयरन एंड स्टील कंपनी के चेयरमैन रहल बाने।
काम
[संपादन करीं]- जुल्फी, माय फ्रेंड (1973)
- डेमोक्रेसी मीन्स ब्रेर्ड फ्रीडम (1979)
संदर्भ
[संपादन करीं]- ↑ By TNN (2004-08-28). "Missing in Parliament A Sense Of Humour - The Economic Times" (अंग्रेजी में). Articles.economictimes.indiatimes.com. Retrieved 2016-11-15.[मुर्दा कड़ी]
- ↑ "पीलू मोदी की 90वीं जयंती पर 'विवेचना' - BBC हिंदी". Bbc.com. 1970-01-01. Retrieved 2016-11-15.
- ↑ रेहान फ़ज़ल बीबीसी हिंदी (1970-01-01). "जब पीलू ने कहा, 'I am a CIA Agent' - BBC हिंदी". Bbc.com. Retrieved 2016-11-15.
- ↑ Srivastava, Sanjay (1998). Constructing Post-Colonial India: National Character and the Doon School. London: Routledge. p. 240. ISBN 0-203-98027-1.
- ↑ "Seven Doscos in 15th Lok Sabha". The Indian Express. Dehradun. PTI. 31 मई 2009. Retrieved 29 November 2012.
- ↑ Modi was arrested
- ↑ Agarwal, Sudarshan (12 जनवरी 2006). "Humour in Parliament". The Tribune. Retrieved 29 November 2012.