पठार

विकिपीडिया से
तिब्बत के पठार के सैटेलाईट फोटो
तिब्बत के पठार के उपग्रह से लिहल फोटो

पठार (अंग्रेजी: Plateau, highland, या tableland) आसपास के जमीन से ऊँचाई पर मौजूद, ऊपर से सपाट आ पर्याप्त बिस्तार वाला जमीनी हिस्सा होला, जेकरा कम से कम एक ओर तेज ढाल वाला किनारा होला।[1][2][3][4] पृथ्वी के सतह के कौनों हिस्सा के पठार कहल जाए की पाछे प्रमुख बिसेसता एकर आसपास के धरातल से ऊँच होखल आ साथे-साथ अपने आप में कम ऊँचाई-निचाई वाला यानि सपाट सतह वाला होखल बाटे। ढेर ऊँचाई (इलेवेशन) आ कम उच्चावच (रेलीफ़) के पठार क प्रमुख बिसेसता मानल जाला।[5] पठार, मैदानपहाड़ के भूआकृति बिज्ञान में दूसरा श्रेणी (सेकेंड ऑर्डर)के थलरूप मानल जाला।[6][7]

पठार, अक्सरहा खनिज पदार्थ खातिर महत्वपूर्ण होलें, काहें से की ज्यादातर पठार पुरान आग्नेय चट्टान के बनल हिस्सा हवें आ इहाँ तरह-तरह के खनिज पावल जाने। भारत के दक्खिनी हिस्सा अइसने पठार हवे।

उतपत्ती[संपादन करीं]

पठार कई तरह के भूबैज्ञानिक/भूआकृतिक प्रक्रिया द्वारा बनल हो सके लें। नीचे कुछ कारण आ उनहन से निर्मित पठार के उदाहरण दिहल जात बाटे:

  • टेक्टॉनिक हलचल द्वारा ऊपर उठल भूमि - तिब्बत के पठार,
  • ज्वालामुखी लावा के बहाव से बनल पठार - दक्कन के पठार,
  • प्राचीन ग्रेनाइट शील्ड के हिस्सा - साइबेरिया के पठार, प्रायदीपीय भारत के पठार।
  • पवन द्वारा माटी के जमाव से - लोयस पठार।

बर्गीकरण[संपादन करीं]

  • अंतरपरबती पठार (इंटरमोंटेन) - तिब्बत के पठार
  • परबतपदी पठार (पीडमोंट) - अप्लेशियन पठार
  • लावा पठार
  • शील्ड पठार/रेलिक्ट प्लेटू
  • पवन निर्मित पठार

संदर्भ[संपादन करीं]

  1. "Plateau | Plateau Definition by Merriam-Webster". Merriam-webster.com. Retrieved 2017-03-06.
  2. "पठार - हिंदी में पठार की परिभाषा | Oxford Dictionaries". Hi.oxforddictionaries.com. Retrieved 2017-03-06.[मुर्दा कड़ी]
  3. Husain. Bhugol Shabd Sangrah. McGraw-Hill Education (India) Pvt Limited. pp. 1–. ISBN 978-0-07-067887-3.
  4. David S. G. Thomas; Andrew S. Goudie (17 July 2009). The Dictionary of Physical Geography. John Wiley & Sons. pp. 376–. ISBN 978-1-4443-1316-1.
  5. James Petersen; Dorothy Sack; Robert E. Gabler (28 फरवरी 2014). Fundamentals of Physical Geography. Cengage Learning. pp. 500–. ISBN 978-1-133-60653-6.
  6. Rattan Lal (2006). Encyclopedia of Soil Science. CRC Press. pp. 969–. ISBN 978-0-8493-5054-2.
  7. "Orders of Relief". Earthonlinemedia.com. Archived from the original on 2017-05-01. Retrieved 2017-03-06.