निकोलो मैकियावेली

विकिपीडिया से
Jump to navigation Jump to search

निकोलो मैकियावेली (Niccolò di Bernardo dei Machiavelli; ३ मई १४७९ - २१ जून १५२७) इटली के एगो दार्शनिक आ लेखक रहन। इनकर किताब द प्रिंस बहुत प्रख्यात बाटे जेकरा ई १५१३ मे गहले रहन। इनकरा आधुनिक राजनीति बिज्ञान के पिता कहल जाला।

ई बहुत दिन ले फ्लोरेंस राज दरबार मे मंत्री रहन। ई कबिता आ चुटकुला लिखत रहन। मैकियावेली राजनीतिक लड़ाई सभ के नैतिकता से आँखि से ना देखलें बाकिर ऊ मानत रहन जे इ सभ एगो खेला हऽ जेकर नियाम पहिले से बनावल बाटे। हुनकर अनुभव से ऊ जानत रहन जे राजनीती खाली छल आ अपराध से होला। यू कहले बाड़न जे एगो राजा जे केवनो राज स्थापित करत बजी केवनो कुकरम करऽता तऽ ओकरा माफ कऽ देवे के चाहीं जदि एकर परिनाम से लाभ मिले के बा। इनकर पुस्तक द प्रिंस प ढेर लोग आपन राए देल, केहू कहलस की एह पुस्तक मे "ई लिखल बा की कइसे खराब राजा सभ राज चलावेलऽसन" तऽ केहू कहलस जे "एहमे राजा सभ के सुझाव दिहल बा के कइसे ऊ आपन राज बचा सकेला"।

जीनगी[संपादन]

मैकियावेली के चित्र

मैकियावेली इटली के फ़लोरेंस मे जनमल रहन। ई अपना माई बाबू के तीसरका बच्चा आ पहिलका ललना रहन। मैकियावेली १५०२ मे मारेट्टा कोरसिनी से बियाह कइलें। ई बयाकरन, अलंकार शास्त्र आ लैटिन पढ़लें। अईसन मानल जाला जे ई यूनानी भाषा ना पढ़लन भले ओह घड़ी फ़लोरेंस मे एकर पढ़ाई होखत रहे। १४९४ मे फ़लोरेंस मे मेडिसी, जे साठ बरस राज कईले रहे, के हटा के जनतंत्र स्थापित भईल। मैकियावेली उहे राज के मंत्री बनलें।