त्रिभुज

त्रिभुज
एगो
Edges and vertices	3
Schläfli symbol	{3} (समबाहु त्रिभुज खातिर)
Area	कई ठे तरीका; नीचे देखीं
Internal angle (degrees)	60° (समबाहु त्रिभुज खातिर)

त्रिभुज ज्यामितीय आकृति ह जवन एगो अइसन बहुभुज होला जवना के तीन गो भुजा हो आ तीनो भुजा बिना कवनो अन्य आधार के आपस में जुड़ के तीन गो कोण के निर्माण करेली त्रिभुज कहावेली। त्रिभुज के तीनो कोणन के माप के जोड़ हमेशा 180 अंस होला। त्रिभुज के भुजा के नाप, आ कोण के नाप के आधार पर अलग-अलग प्रकार बा।

एगो त्रिभुज जेवना के अ ब स नांव के तीन गो कोना होखे, $\triangle ABC$ निसान से चिन्हित कइल जाला।

प्रकार

भुजा के नाप के आधार प त्रिभुज के प्रकार

भुजा के नाप के आधार प त्रिभुज दू प्रकार के होला।

• समबाहु त्रिभुज - जवना त्रिभुज के तीनो भुजा के आकार बराबर होला समबाहु त्रिभुज कहाला।
• सम-दुबाहु त्रिभुज - जवना त्रिभुज के कवनो दू गो भुजा एक बराबर आ तीसरकी भुजा ओह दू भुजा से बड़ चाहे छोट होला सम-दुबाहु त्रिभुज कहल जाला।

Equilateral	Isosceles	Scalene

कोण के नाप के आधार प त्रिभुज के प्रकार

कोण के नाप के आधार प त्रिभुज तीन प्रकार के होला।

• समकोण त्रिभुज - जब कवनो त्रिभुज के कवनो एगो कोण के नाप 90 अंस के होला समकोण त्रिभुज कहावेला।
• न्यून कोण त्रिभुज - जब कवनो त्रिभुज के तीनो कोण के नाप 90 अंस से कम होला न्यून कोण त्रिभुज कहावेला।
• अधिक कोण त्रिभुज - जब कवनो त्रिभुज के तीनो कोण में से कवनो एक कोण के नाप 90 अंस से ढेर होला अधिक कोण त्रिभुज कहावेला।