टेंसेंट गेम्स
टेंसेंट गेम्स (Tencent Games) टेंसेंट इंटेरेक्टिव एंटरटेनमेंट के बीडियो गेम प्रकाशित करे वाली डिवीजन हवे जबकी टेंसेंट इंटेरेक्टिव एंटरटेनमेंट खुदे टेंसेंट के डिवीजन हऽ। टेंसेंट गेम्स के अस्थापना साल 2003 में ऑनलाइन गेम सभ पर फोकस करे खातिर भइल रहल।
टेंसेंट गेम्स के लगे चार गो इंटरनेशनल बीडियोगेम इस्टूडियो बाड़ें: टिमी (TiMi Studios) जेकर मुख्यालय शेंझेन में बा; लाइटस्पीड एंड क्वांटम (Lightspeed & Quantum Studio) शेंझेन आ लॉस एंजेलिस में; ऑरोरा (Aurora Studio) शंघाई में; आ मोरफन (Morefun Studio) शेंझेन में। ई स्टूडियो सभ मुख्य रूप से ब्राउजर आ मोबाइल गेम बनावे लें जिनहन के चाइनीज बजार खास टारगेट रहे ला।
खुद गेम बनावे के अलावा ई कंपनी डिवीजन कई गो दुसरे कंपनिन के गेम सभ के मार्केटिंग करे ला। उदाहरण खातिर परसिद्ध मोबाइल ऑनलाइन गेम पबजी (PUBG) जे कोरियाई कंपनी ब्लूहोल (अब क्राफ्टोन) के गेम हवे, एकरे मोबाइल वर्शन के डेवलपमेंट आ मार्केटिंग के काम टेन्सेंट करे ला।
इहो देखल जाय[संपादन करीं]
 | ई कॉर्पोरेशन भा कंपनी संबंधी लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |