चार्ली चैपलिन

विकिपीडिया से
Jump to navigation Jump to search

सर चार्ल्स स्पेंसर चैप्लिन, केबीई, (अंगरेजी: Sir Charles Spencer Chaplin KBE) (16 अप्रैल 1889 – 25 दिसंबर 1977) एगो अंगरेज कामिक एक्टर, फिलिम निर्माता आ कंपोजर रहलें। ई बिना बोले वाली फिलिम सभ के जमाना में परसिद्धि पवलें। इनके बनावल सीरीज "दि ट्रांप" के पूरा दुनिया में परसिद्धि मिलल आ ई फिलिम जगत के बहुत परभावशाली हस्ती लोग में से एक गिनल जालें। बचपन से एक्टिंग के शुरुआत करे वाला चैप्लिन, 1977 में अपना निधन तक, 75 बरिस ले फिलिम में काम कइलें। इनके काम के अतितारीफी भी मिलल आ बिबादास्पद ब्यक्ति भी रहलें।