चंपा

अन्य अर्थ खातिर, चंपा (बहुअर्थी) देखल जाय।

चंपा
Plumeria sp.
बैज्ञानिक वर्गीकरण
किंगडम:	Plantae
(बिना रैंक कइल):	Angiosperms
(बिना रैंक कइल):	Eudicots
(बिना रैंक कइल):	Asterids
ऑर्डर (Order):	Gentianales
परिवार:	Apocynaceae
उपपरिवार:	Rauvolfioideae
Tribe:	Plumerieae
जाति (Genus):	Plumeria L.
अउरी दूसर नाँव
Plumieria Scop.

चंपा या चम्पा (Plumeria चाहे frangipani, संस्कृत: चम्पक) एक ठो फूल हवे जे छोटहन आकार के फेड़ा पर फुलाला। एह फेड़ओ के चंपा कहल जाला। बनस्पति बिज्ञान के हिसाब से ई फूल के एक ठो बंस (जीनस) हवे जेह में कई गो प्रजाति पावल जालीं।

अधिकाँश प्रजाति पतझड़दार झाड़ी या छोट पेड़ नियर होखे लीं। ए प्रजातियन के मूल इलाका निओट्रॉपिकल क्षेत्र हवे — मतलब मेक्सिको, सेंट्रल अमेरिका, कैरेबियन, आ दक्षिण में ब्राज़ील ले, आ उत्तर में फ्लोरिडा तक ले फैइलल इलाका। बाकिर एह प्रजातियन के उष्णकटिबंधीय इलाका में, खास कर के हवाई में, आ इहाँ तक की गरम रेगिस्तानी माहौल वाला अरब प्रायद्वीप में (जरूरी सिंचाई के साथ); सजावटी पौधा के रूप में दुनिया भर में उगावल जाला।