एस्सेल वर्ल्ड
एस्सेल वर्ल्ड (EsselWorld) गोरई, मुंबई में स्थित एगो मनोरंजन पार्क ह जवन की 1989 में स्थापित कइल गइल रहे। पार्क क मालिकाना हक पैन इंडिया प्राइवेट लिमिटेड की लगे बा। एस्सेल वर्ल्ड एकरी हिस्सा वाटर किंगडम की साथ 64 एकड़ जमीन में फैलल बा। एक साथे इन्हन के सबसे बड़का मनोरंजन पार्क में से एगो गिनल जाला [1] हर साल एइजा 1.8 मिलियन विजिटर आवे न स जेमें करीब 300,000 छात्र हो न स।
एस्सेल वर्ल्ड में सब उम्र की लोगन खातिर आनंद प्रमोद क साधन मौजूद बा, एईजा 14 गो पूरा परिवार की झुलल जा सके ऐसन रोमांचक झुला और 15 गो छोट लईका लोगन खातिर झुला बा।[2]
झुला और रोलर कोस्टर राइड जैसन पारम्परिक आनंद की साधन वाला पार्क की अलावा एस्सेल वर्ल्ड में मुम्बई क पहिला आइस स्केटिंग रिंक भी बा जवन की 3400 स्क्वेयर फिट में फैलल बा। इ पार्क ए रिंक क तापमान हमेशा 4 डिग्री बनवले रहेला।[3]
एइजा क डांस फ्लोर विजिटर्स खातिर एगो अतरिक्त खासियत बन जाला जहाँ पार्टी क आयोजन हो सकेला। एमें अलग अलग रंग क लाईट, तेज संगीत और काँच क डांस फ्लोर आनंद प्रदान करेला। आपन अंतर्राष्ट्रीय स्तर क महत्व बनावल रखले की खातिर एइजा की डांस हॉल में बॉलीवुड और पश्चिमी संगीत क फ्यूज़न बजावल जाला।
एकरी अलावा, ए थीम पार्क में 6 लेन वाला बोलिंग एली भी बनल बा जवने के “रिकी क बोलिंग एली” की नांव से जानल जला। ए बोलिंग एली की साथे साथ एगो रेस्तरां भी बनल बा जवने क नांव “तंदूरी वन” ह और उ भारतीय शाकाहारी भोजन परोसेला। एइजा एस्सेल वर्ल्ड में अन्य खान-पान की विकल्प की तौर प साउथर्न ट्रीट – जवन की परंपरागत दक्षिण भारतीय व्यंजन परोसेला, ताईपन चीनी रेस्तरां, डोमिनोज पिज्जा, मुंबई – स्थानीय लोगन क पसंदीदा स्वाद, हैप्पी सिंह दा ढाबा - पंजाबी व्यंजन, पेटू और मदर डेयरी डेसर्ट उपलब्ध बा। फेब-5 वाला चेहरा जवने के एस्सेल वर्ल्ड की मैस्कॉट (शुभंकर) की रूप में भी जानल जाला, उ पार्क की हर कोना में उपलब्ध बा।[4] एइजा एकर एगो स्थापित समान क स्टोर बा जवन विजिटर्स और ग्राहकन के कम कीमत में स्मृति चिन्ह खरीदले क विकल्प प्रदान करेला।
2010 में, एस्सेल वर्ल्ड “मॉन्स्टर्स इन द मिस्ट्स” नांव से एगो भुतिया अनुभव देवे वाला सवारी शुरू कइलस जेकर उद्घाटन और शुभारंभ लोकप्रिय मेजबान, अभिनेता और रियलिटी टीवी श्रृंखला "रोडीज" की पहिला विजेता, रणविजय और एस्सेल वर्ल्ड की सीईओ शिरीष देशपांडे द्वारा कइल गइल। एके भारत की सबसे डरावना राइड की नांव से जानल गइल।
इ राइड 6000 स्क्वेयर फिट इनडोर अँधेरा में बनल राइड ह, जवने में ट्रैक कार प्रणाली लागल बा। इ एगो धुंध से भरल अँधेर खोह में कुल 4 मिनट खातिर चलेला जेकरी बीच में कई तरह क रोमांचक अनुभव मिलेला। ए राइड की दौरान 20 से अधिका अलग अलग दृश्य देखे के मिलेला जवन की एनीमेशन और बेहतरीन ऑडियो से सुसज्जित कइल गइल बा। इ राइड अमरीका क प्रसिद्ध “द अट्रैक्शन फेक्ट्री” द्वारा डिज़ाइन कइल गइल बा।[5]
संधर्ब
[संपादन करीं]- ↑ "About Us". EsselGroup. Retrieved 4 अप्रैल 2013.
- ↑ "Family Rides". EsselGroup. Retrieved 4 अप्रैल 2013.
- ↑ "Ice Skating Rink". EsselGroup. Retrieved 4 अप्रैल 2013.
- ↑ "Things to do in Essel World". cleartrip.com. Archived from the original on 2016-07-13. Retrieved 11 मार्च 2017.
- ↑ "EsselWorld gets India's scariest ride". EsselGroup. Archived from the original on 2017-08-09. Retrieved 4 अप्रैल 2013.