ईस्ट इंडिया कंपनी

ईस्ट इंडिया कंपनी
	कंपनी के झंडा (1801)
	निशान (1698); ; मोटो: Auspicio Regis et Senatus Angliae; लैटिन भाषा में, "राजा आ इंग्लैंड के संसद के कमांड द्वारा"
मूलभासा में	East India Company
प्रकार	पब्लिक; राज्य-मलिकाई वाला एंटरप्राइज
इंडस्ट्री	इंटरनेशनल ट्रेड
Fate	राष्ट्रीयकरण: Territories and responsibilities ceded to the British Government by the Government of India Act 1858; Dissolved by the East India Stock Dividend Redemption Act 1873;
स्थापित	31 दिसंबर 1600; 423 साल पहिले
संस्थापक	"दि एडवेंचरर्स", शाही चार्टर द्वारा; थॉमस स्मिथ, पहिला गवर्नर;
Defunct	1 जून 1874; 150 साल पहिले
मुख्यालय	ईस्ट इंडिया हाउस, लंदन, ग्रेट ब्रिटेन
प्रोडक्ट	कपास (रुई), रेशम, नील, चीनी, नून (नमक), मसाला, शोरा, चाय, दास ब्यापार आ अफीम

ईस्ट इंडिया कंपनी (अंग्रेजी: East India Company), संछेप में ईआईसी (EIC), एगो अंग्रेज आ बाद में ब्रिटिश कंपनी रहे जवन भारत आ एशिया के कुछ अउरी देस सभ के साथे ब्यापार करे खातिर 1600 में अस्थापित भइल आ 1874 एकर अंत भ गइल। 1858 में भारत पर से कंपनी के शासन हट गइल आ भारत सीधे इंग्लैंड की रानी की अधिकार में आ गइल।

एकर गठन हिंद महासागर क्षेत्र में बाणिज्य-ब्यापार करे खातिर भइल रहे, सुरुआत में ईस्ट इंडीज (भारत उपमहादीप आ दक्खिन-पूरबी एशिया) के साथे, आ बाद में पूरबी एशिया के साथे। कंपनी भारतीय उपमहाद्वीप के मजिगर बड़हन हिस्सा प कंट्रोल क लिहलस आ दक्खिन पूर्व एशिया अउरी हांगकांग के कुछ हिस्सा प उपनिवेश बना लिहलस। अपना चरम पर ई कंपनी कई तरह के माप के हिसाब से दुनिया के सबसे बड़ कार्पोरेशन रहे। ईआईसी के आपन खुद के सशस्त्र बल कंपनी के तीन गो प्रेसिडेंट सेना के रूप में रहल, कुल मिला के लगभग 2,60,000 सैनिक एकरा लगे रहलें, जवन ओह समय के ब्रिटिश सेना से करीबन दुगुन्ना रहे। कंपनी के ऑपरेशन सभ के ब्यापार के वैश्विक संतुलन पर गहिरा परभाव पड़ल, लगभग एक्के-हाथे ई कंपनी रोमन काल से चलत आ रहल ब्यापार के पूरुब के पक्ष में रहे वाला बहाव के उलट दिहलस।