अगुंबे

Agumbe
village
Clouds at Sunset point, Agumbe
Nicknames:  Cherrapunji of South India, Cherrapunji of Karnataka, Rain City
Agumbe Location of Agumbe
Coordinates: 13.5087°N 75.0959°E / 13.5087; 75.0959
Country	India
State	Karnataka
District	Shimoga district
Region	Malenadu
Area
• Total	3 किमी2 (1 बर्ग मील)
Elevation	823 m (2,700 ft)
Population
• Total	600
• Density	200/किमी2 (520/बर्ग मील)
Languages
• Official	Kannada
Time zone	UTC+5:30 (आइएसटी)
PIN	577411
Telephone code	08181
Vehicle registration	KA-14

अगुंबे चाहे अगुम्बे (अंग्रेजी: Agumbe; लोकल: आगुंबे), जेकरा के अगुंबे घाट के नाँव से भी जानल जाला, भारतीय राज्य कर्नाटक के शिवमोग्गा जिला में एगो जगह बा। ई तीर्थहल्ली तालुका (तहसील) के एगो गाँव हवे।

दक्खिनी भारत के पच्छिमी किनारा पर मौजूद पच्छिमी घाट परबत श्रेणी के बीच-बीच में कई जगह दर्रा बाड़ें जिनहन के "घाट" के नाँव से जानल जाला; जइसे कि पाल घाट, भोर घाट, थाल घाट वगैरह। अइसने दर्रा सभ में से मालनड क्षेत्र के ई आगुम्बे घाट भी एगो दर्रा हवे जे शिवमोग्गा भा शिमोगा शहर के उडुपी से जोड़े ला। एह घाट भा दर्रा से हो के जाए वाली सड़क शिमोगा-उडुपी-मंगलोर के एगो प्रमुख रास्ता हवे। सड़क मार्ग के चौड़ीकरण के हाल में दोबारा सुरुआत भइल बा जेकर माँग लमहर समय से रहल बाटे।

एकरे अलावा एह जगह के परसिद्धि "दक्खिन भारत के चेरापूँजी" के रूप में भी हवे काहें से कि ई इलाका भारी बरखा वाला इलाका हवे। ई इलाका घन जंगल वाला इलाका हवे जहाँ बरखाबन (रेनफॉरेस्ट) पावल जालें। ई अपना जीव बिबिधता खातिर भी परसिद्ध हवे। एहिजे अगुंबे रेनफॉरेस्ट रिसर्च स्टेशन के अस्थापना भइल बाटे। प्रमुख रूप से एह रिसर्च केंद्र के किंग कोबरा (भारतीय गेहुअन) साँप के सैंक्चुअरी के रूप में भइल रहल जे एह इलाका के खास पहिचान हवे।