भूगोल

भोजपुरी विकिपीडिया से
अहिजा जाईं: परिभ्रमण, खोजीं
पृथ्वी का मानचित्र

भूगोल

भूगोल बिज्ञान के एगो एइसन शाखा हउवे जेकरी अंतर्गत पृथ्वी की अलग-अलग जगह पर पावल जाये वाला अलग-अलग प्राकृतिकमानवीय तत्वन क अध्ययन कइल जाला. भूगोल शब्द अंग्रेजी की ज्याग्रफी (Geography) शब्द क अनुवाद हवे. सबसे पाहिले Geographia शब्द क प्रयोग इरेटोस्थेनीज नाँव क यूनानी बिद्वान कइलें.

प्राकृतिक तत्व जैसे कि पहाड़, मैदान, आबोहवा, वनस्पति, मिट्टी इत्यादि आ मानवीय तत्व जैसे कि खेती, उद्योग, शहर, सड़क, बाजार इत्यादि सब चीज सब जगह एक्के बराबर चाहे एक्के नियर ना पावल जाला. एक जगह से दूसरी जगह कुछ न कुछ अंतर जरूर मिलेला. एही से अलग अलग जगह क अलग अलग तरह के पर्यावरण होला आ ओ अस्थान पर की पर्यावरण की साथे मनुष्य के संबंध भी अलग होला जेवना कुल क अध्ययन भूगोल में कईल जाला.

जब भूगोल में कौनो एगो तत्व चुन के ओकर पूरा पृथ्वी पर अध्ययन कईल जाला, मने कि ऊ तत्व पूरा पृथ्वी पर कहाँ-कहाँ आ केतना मात्रा में पावल जाला एह बात के अध्ययन कईल जाला तब एके क्रमबद्ध भूगोल कहल जाला. एकरी ठीक उल्टा, जब कौनो जगह चाहे क्षेत्र चुन के ओकरी अन्दर पावल जाये वाला सब तत्व क अध्ययन कईल जाला तब ओके क्षेत्रीय भूगोल या प्रादेशिक भूगोल कहल जाला.

एही प्रकार जब कौनो प्राकृतिक तत्व जैसे ऊंचाई, तापमान, बारिश, बनस्पति इत्यादि के अध्ययन कइल जाला त ओके भौतिक भूगोल कहल जाला आ जब कौनो मानवीय चीज क अध्ययन जैसे कि जनसंख्या, भाषा, धर्म, शहर, कृषि, व्यापार इत्यादि क अध्ययन कइल जाला त ओके मानव भूगोल कहल जाला. भूगोल आज इस्कूल से लेके डिग्री कालेज आ इन्वार्सिटी तक में पढावल जाये वाला बहुत मशहूर बिषय हवे. भूगोल पढे वाला लोग भूगोलवेत्ता कहल जाला.

भूगोल शब्द क व्युत्पत्ति[सम्पादन]

भूगोल (भू+गोल) शब्द संस्कृत भाषा क हउवे जेकर अर्थ होला गोल आकार के पृथ्वी. प्राचीन काल में ज्योतिष विज्ञान में ब्रह्मांड के कल्पना दू गो गोला की रूप में कईल गईल रहे – खगोल आ भूगोल, अउरी ई मानल जाय कि बड़का गोला - खगोल की केन्द्र में छोटका गोला पृथ्वी स्थित बा. बाद में अंग्रेजी के ज्याग्रफी Geography शब्द की हिंदी की रूप में भूगोल शब्द क चुनाव कइल गइल आ एह विज्ञान की शाखा क नाँव भूगोल रख दिहल गइल. अंग्रेजी के ज्याग्राफी शब्द खुदे यूनानी भाषा की दू गो शब्दन से मिल के बनल हवे – ज्या (geo = पृथ्वी) + ग्राफी (graphie = वर्णन कइल) मने कि ‘पृथ्वी क वर्णन’. ए हिसाब से भूगोल पृथ्वी क वर्णन करे वाला बिज्ञान साबित होला. ज्याग्रफी शब्द क सबसे पहिले प्रयोग इरेटोस्थेनीज नामक यूनानी बिद्वान कइलन.

परिभाषा[सम्पादन]

इतिहास[सम्पादन]

शाखायें[सम्पादन]

भू-आकृति बिज्ञान जलवायु विज्ञान समुद्र बिज्ञान जैव भूगोल जनसंख्या भूगोल बस्ती भूगोल नगरीय भूगोल आर्थिक भूगोल कृषि भूगोल औद्योगिक भूगोल संसाधन भूगोल राजनैतिक भूगोल सामाजिक भूगोल सांस्कृतिक भूगोल मानचित्र विज्ञान भौगोलिक सूचना बिज्ञान ==भौतिक भूगोल ==मानव भूगोल ==क्रमबद्ध भूगोल और प्रादेशिक भूगोल ==प्राकृतिक भूदृश्य आ सांस्कृतिक भूदृश्य

मानव-पर्यावरण संबंध[सम्पादन]

आर्थिक भूगोल[सम्पादन]

संसाधन भूगोल[सम्पादन]

पर्यावरण भूगोल[सम्पादन]

संस्कृति क भूगोल[सम्पादन]

भूगोल क औजार-बक्सा[सम्पादन]

भूगोल क महत्व[सम्पादन]

पर्यावरण विज्ञान[सम्पादन]

पारिस्थितिकी[सम्पादन]

संसाधन[सम्पादन]