मागमपुरा महिंदा राजपक्षे बंदरगाह

मागमपुरा महिंदा राजपक्षे बंदरगाह
Location
Country	श्रीलंका
Location	हंबनटोटा
Coordinates	06°07′10″N 81°06′29″E
Details
Opened	18 नवंबर 2010
Available berths	3
IATA	HBT
Website www.slpa.lk

मागमपुरा महिंदा राजपक्षे बंदरगाह भा हंबनटोटा बंदरगाह श्रीलंका के दक्खिनी प्रांत में हंबनटोटा शहर में मौजूद बंदरगाह बा। एकरे पहिला चरण के निर्माण के काम साल 2010 में पूरा भइल। 18 नवंबर 2010 के एगो समारोह में एकर उद्घाटन कइल गइल। एकर नाँव, श्रीलंका के राष्ट्रपति महिंदा राजपक्षे के नाँव पर रखल गइल बा।

चीन के पट्टा

29 जुलाई 2017 के श्रीलंका सरकार द्वारा एकरा के चीन के सरकारी कंपनी के 99 साल खातिर पट्टा (लीज़) पर दे दिहल गइल। एकरे पहिले इहाँ कई बेर एह बात के बिरोध प्रदर्शन भी भइल रहे कि चीन के ई बंदरगाह न सौंपल जाय आ प्रमुख बिपक्षी पार्टी के अभिन भी कहनाम बा कि सरकार देस के संप्रभुता से खेलवाड़ क रहल बा जबकि सरकार के कहनाम बा कि एह कदम से बिकास के नया जुग सुरू होखी। श्रीलंका सरकार के कहल ई बा कि ई बंदरगाह खाली पट्टा पर दिहल गइल बा आ चीन एकर ब्यापारिक-बानिज्यिक इस्तमाल क सके ला, जबकि बंदरगाह के सुरक्षा के पूरा जिम्मेदारी श्रीलंका सरकार के होखी आ श्रीलंकाई कंपनी के एह बंदरगाह के निर्माण में लागल खर्चा के कर्जा वापस ना करे के पड़ी, चीन एकर सैनिक गतिबिधि में इस्तेमाल ना क पाई।

बाहरी कड़ी

• Hambantota Port Development Project - about.lk Archived 2010-09-28 at the Wayback Machine
• Conceptual video of completed port