मशीन लर्निंग

जंत्र शिक्षण चाहे मशीन लरनिंग (एमएल) कंप्यूटर ऐल्गोरिदम सभ के एगो पढ़ाई हऽ, जे अपने से अनुभव आ डाटा के परयोग के संगे नीमन होखत चलि जाला। एकरा कृर्तिम बुद्धि चाहे आर्टिफिशियल इंटेलिजेंस के एगो अंग के रूप मे देखल जाला। मशीन लरनिंग ऐल्गोरिदम ट्रेनिंग डाटा के आधार प एगो नमूना बनावेला आ बिना कोड़ींग कइले पूर्वानुमान लगावेला चाहे निर्णय लेवेला। मशीन लरनिंग ऐल्गोरिदम बहुते परकार के उपयोग होला।

कंप्यूटेशनल स्टेटिस्टिक्स के मशीन लरनिंग के छोट हिस्सा मानल जाला, जेकरा में कंप्यूटर के सहायता से पूर्वानुमान लगावल जाला, बाकीर मशीन लरनिंग खाली स्टेटिस्टिक्स ना होला। गणितीय इष्टकरण चाहे मैथमेटिकल ऑप्टिमाइजेशन मशीन लरनिंग के क्षेत्र मे तरीका, सिद्धांत आ उपयोग देवेला। डाटा माइनिंग एगो मिलत जुलत क्षेत्र हऽ, जे अप्रशिक्षित शिक्षण एक्स्ट्रापोलिटरी डाटा विश्लेषण प बर देवेला।

अवलोकन

मशीन लरनिंग मे इहे खोज कइल जाला जे कंप्यूटर से अइसन काज कइसे करवावल जाव जेकरा ला ओकरा प्रोग्राम नाही कइल गइल बा। एमे कंप्यूटर के ओह काम के सिखावे ला ओकरा डाटा दिहल जाला।